गराडे : पुरंदर तालुका युवक कॉंग्रेसचे माजी अध्यक्ष व जिल्हा युवक कॉंग्रेसचे उपाध्यक्ष सागर मोकाशी यांनी कॉंग्रेसला सोडचिट्ठी देत शिवसेनेत प्रवेश करीत बांधले शिवबंधन बांधले. नरीमन पॉईंट ( मुंबई ) येथील कार्यालयात माजी मंत्री विजय शिवतारे यांच्या हस्ते शिवबंधन बांधून प्रवेशाचा कार्यक्रम पार पडला.
यावेळी हवेली तालुका शिवसेनेचे नेते शंकरराव हरपळे, तालुकाप्रमुख संदीप मोडक, पुरंदर तालुका युवासेनेचे अध्यक्ष मंदार गिरमे, हवेली पंचायत समितीचे सदस्य राजीव भाडळे, माजी जिल्हा परिषद सदस्य बाजीराव सायकर, महिला आघाडीच्या संघटक सविता ढवळे, सुरज जगताप, राजाभाऊ होले, महेश हरपळे, सोमनाथ कऱ्हे, आदी यावेळी उपस्थित होते.
सागर मोकाशी हे आमदार संजय जगताप यांचे खंदे समर्थक मानले जातात. त्यांच्या प्रवेशाने आमदार जगताप यांना मोठा धक्का बसल्याचे मानले जात आहे. पुरंदर तालुक्यात युवक कॉंग्रेसच्या उभारणीत मोकाशी यांचे योगदान मोठे मानले जाते. पक्षातील नाराजी वाढल्यामुळे प्रवेश झाला असावा. यापुर्वी युवक कॉंग्रेसच्या तरुण तडफदार सुरज जगताप यांनी पक्षाला रामराम ठोकुन शिवसेनेत प्रवेश केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
