Diveagar Tragedy Sparks Anger Among Parents as Academy Faces Questions Over Student Safety and Emergency Communication
esakal
- विलास काटे
आळंदी : दिवेआगर येथे सहलीसाठी गेलेल्या आठ विद्यार्थ्यांचा बुडून मृत्यू झाल्यानंतर सहल आयोजित करणाऱ्या आळंदीतील विनर्स अकॅडमीच्या प्रभाग चार मधील इमारतीतील कार्यालयाला आज टाळे लागले होते. अपघाताची बातमी समजल्यानंतर सहलीसाठी गेलेल्या विद्यार्थ्यांचे पालक या ठिकाणी मोठ्या संख्येने जमले होते. मात्र दुर्दैव असे की, अकॅडमीच्या वतीने कोणताही कर्मचारी पालकांना मदत करण्यासाठी तसेच योग्य माहिती देण्यासाठी उपस्थित नव्हता. त्यामुळे पालक आणि स्थानिक रहिवाशांमध्ये कोचिंग क्लासच्या कर्मचाऱ्यांबद्दल संतापाची लाट होती.
