पुणे - शहरात भरधाव वाहनचालकांमुळे दोन दुचाकीस्वारांना जीव गमवावा लागला आहे. कोंढवा आणि हडपसर परिसरात घडलेल्या दोन स्वतंत्र अपघातांत दोघांचा मृत्यू झाला..कोंढवा परिसरात रविवारी (ता. ५) दुपारी तीनच्या सुमारास झालेल्या अपघातात शानुर युनूस बागवान (वय-४१, रा. नवाजीश पार्क, कोंढवा) यांचा मृत्यू झाला. पोलिसांनी दिलेल्या माहितीनुसार, बागवान हे लुल्लानगर भागातून ज्योती हॉटेल चौकाच्या दिशेने दुचाकीवरून निघाले होते.त्यावेळी त्यांचे नियंत्रण सुटल्याने दुचाकी एका मोटारीवर पाठीमागून आदळली. या अपघातात बागवान यांच्या डोक्याला गंभीर दुखापत झाली. त्यांना रुग्णालयात दाखल करण्यात आले; मात्र उपचारादरम्यान त्यांचा मृत्यू झाला..हडपसर-सासवड रस्त्यावर तरुणाचा मृत्यू -अन्य एका अपघातात हडपसर-सासवड रस्त्यावर मंगळवारी (ता. ७) अपघातात दिनेश श्रीराम सिरसाठ (वय ३८) या दुचाकीस्वाराचा मृत्यू झाला. या प्रकरणी त्यांचा भाऊ गणेश श्रीराम सिरसाठ (वय ४९, रा. मंगरूळ, ता. चिखली, जि. बुलडाणा) यांनी हडपसर पोलिस ठाण्यात फिर्याद दिली आहे..त्यानुसार वाहनचालक सूरज नामदेव तारू (वय ४२, रा. वांगी, जि. नांदेड) याच्याविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, दिनेश हे सायंकाळी हडपसर-सासवड रस्त्याने दुचाकीवरून निघाले होते. सातववाडी पीएमपी बसथांब्याजवळ भरधाव वाहनाने त्यांच्या दुचाकीला धडक दिली. अपघातात दिनेश गंभीर जखमी झाल्याने त्यांचा मृत्यू झाला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
