वाघोली - दुपारची दोनची वेळ. एक मद्यधुंद तरूण अचानक आव्हाळवाडी रोडवरील एका टॉवरवर चढतो. त्याला बघून हळू हळू गर्दी वाढते. त्याला खाली येण्याची पोलिस, नागरिक व अग्निशमन कर्मचाऱ्यांची विनंती. मात्र कागदपत्रे दाखवा त्याचा हट्ट. अर्धातास गोंधळ..अखेर तोच खाली येतो. त्याला पोलिस ठाण्यात नेतात. पुन्हा दोन तासाने येऊन तो पुन्हा टॉवर वर चढतो. पुन्हा त्याला उतरविले जाते. नागरिकांसाठी हे मनोरंजन ठरले तर पोलिसांसाठी मोठी डोकेदुखी.अमोल रामदास धोत्रे (वय-३२, रा वाघोली) असे त्याचे नाव. तो वर चढल्यानंतर त्याला पाहण्यासाठी व व्हिडिओ काढण्यासाठी मोठी गर्दी झाली होती. यामुळे रस्त्यावर वाहतूक कोंडीही झाली होती. पोलिस त्याला खाली येण्यासाठी विनंती करीत होते. अग्निशमन दलालाही बोलविण्यात आले..मात्र मला कागदपत्रे द्या, असे तो म्हणत होता. जसे जसे त्याला विनंती करत होते. तसा तो वर वर चढत होता. अर्धा तास हा गोंधळ सुरू होता. अखेर तोच हळू हळू खाली आला. दोन अग्निशमन कर्मचाऱ्यांनी थोडे वर जाऊन त्याला खाली आणले. त्याला पोलिस ठाण्यात घेऊन गेले. पोलिसांनी तेथे त्याचा जबाब घेतला. नंतर त्याला सोडून दिले..तेथून येताच पुन्हा तो टॉवरवर चढला. पोलिसांना पुन्हा वर चढून त्याला खाली आणावे लागले. अशा या प्रकाराने नागरिकांची चांगली करमणूक झाली. पोलिसांची मात्र खूपच दमछाक झाली. या पूर्वीही तो दोन वेळा टॉवरवर चढल्याची माहिती नागरिकांनी दिली. तो कशासाठी टॉवरवर चढला याचा उलगडा मात्र झाला नाही. कोणी नवरा बायकोचे भांडण झाले म्हणून, तर कोणी त्याला मारले म्हणून चढण्याची चर्चा होती..घरासाठी चढलोआम्ही गायरान जागेत राहतो. आम्हाला आमची जागा आमच्या नावावर करून पाहिजे. त्यासाठी मी वर चढलो होतो. महसूल मंत्र्यांना सांगतो. आमची जागा आमच्या नावावर करून द्या. नाही तर मी मंत्रालयाच्या इमारतीच्या टॉवरवर येऊन चढेल. असा इशारा त्याने पत्रकारांशी बोलताना दिला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
