दारूच्या नशेत असलेल्या कारचालकाने दोन दुचाकी स्वारांना धडक दिल्याची घटना सिंहगड रस्त्यावरील नांदेड सिटी सर्कल जवळ घडली.
किरकटवाडी - दारूच्या नशेत असलेल्या कारचालकाने दोन दुचाकी स्वारांना धडक दिल्याची घटना सिंहगड रस्त्यावरील नांदेड सिटी सर्कल जवळ रात्री आठ वाजण्याच्या सुमारास घडली आहे. अपघातामध्ये दोन दुचाकी स्वार जखमी झाले असून त्यांना तातडीने उपचारांसाठी खाजगी रुग्णालयात दाखल करण्यात आले आहे. योगेश पवार व विपील हळदकर अशी या अपघातातील जखमींची नावे आहेत.
हवेली पोलिसांनी दिलेल्या माहितीनुसार अमेंद्र सिंग (रा.ललित, सी-405) हा कारचालक दारूच्या नशेत भरधाव वेगात कार चालवत होता. सोबत कारमध्ये त्याचा परिवार होता. नांदेड सिटी येथील सर्कल जवळ कार चालकाने दोन दुचाकींना जोरदार धडक दिली. यामध्ये योगेश पवार व विपील हळदकर हे जखमी झाले असून त्यांच्यावर खाजगी रुग्णालयात उपचार सुरू आहेत. सदर अपघातामध्ये दुचाकींचेही मोठे नुकसान झाले आहे.
दरम्यान कारचालक अमेंद्र सिंग याला हवेली पोलिसांनी ताब्यात घेतले असून त्याची वैद्यकीय तपासणी करण्यासाठी नेण्यात आले आहे. हवेली पोलिसांनी घटनास्थळी भेट दिली असून याबाबत गुन्हा दाखल करण्याची प्रक्रिया सुरू असल्याची माहिती पोलीस हवालदार रामदास बाबर यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.