किरकोळ वादातून कांदा कापण्याच्या सुरीने भोसकून ट्रकचालकाचा खून

वडगाव मावळ : वडगाव-तळेगाव चौकात बुधवारी सायंकाळी मालट्रक चालकाने सहचालकाचा सुरीने भोसकून खून केला. बाकेलाल जयनारायण गौड (वय 38, रा. सिकंडोली, मध्य प्रदेश) असे खून झालेल्या सहचालकाचे नाव आहे.

ताज्या बातम्यांसाठी डाऊनलोड करा ई-सकाळचे ऍप

वडगाव पोलिसांनी गाडीचालक राकेश जगजितसिंग यादव (वय 48, रा. बामनेर, मध्य प्रदेश) याच्यावर गुन्हा दाखल केला आहे. मध्य प्रदेशवरून अहमदनगरकडे जाणारा मालट्रक वडगाव-तळेगाव चौकात बाजूला उभा होता. या वेळी स्वयंपाक बनविताना झालेल्या किरकोळ कारणावरून राकेशने बाकेलाल याचा कांदा कापण्याच्या सुरीने छातीजवळ भोसकून खून केला. ही घटना बुधवारी दुपारी दीड ते सहाच्या सुमारास घडली. पोलिसांनी गुन्हा दाखल करून राकेश याला ताब्यात घेतले आहे. 

आजी-नातवाच्या नात्याला कलंक, लेकराला विहिरीत फेकून दिले अन्...