महत्वाची बातमी : पुण्यातून आपल्या गावी जायंचय का? मग 'ही' प्रक्रिया करा...

पुणे : कोरोना व्हायरसचा प्रसार कमी व्हायचे नाव घेत नाहीये. आता तिसरा लॉकडाऊन देखील संपत आला आहे. या लॉकडाऊनच्या काळात सर्वंच गोष्टीवर निर्बंध घालण्यात आले आहेत. त्यातच महाराष्ट्रात कोरोनाचा प्रार्दुभाव जास्त असून, पुणे-मुंबईत त्याचा जास्तच फैलाव होताना दिसत आहे. त्यामुळे पुणे आणि मुंबईत जास्तच निर्बंध घालण्यात आले आहेत. मात्र आता पुण्यात अडकलेल्या  नागरिकांना आपल्या गावी जाता येणार आहे.

ताज्या बातम्यांसाठी डाऊनलोड करा ई-सकाळचे ऍप 

दरम्यान, या लॉकडाऊनच्या काळात अनेक जण वेगवेगळ्या ठिकाणी अडकले आहेत. सध्या राज्यात तिसऱ्या लॉकडाऊनचा टप्पा सुरु आहे. या काळात शिथिलता आली आहे. या काळात राज्यातल्या राज्यात अडकला असाल तर प्रवास करण्याची मुभा देण्यात आली आहे. त्यामुळे पुण्यात अडकलेल्या अनेकांनी गावाकडे जाण्याची तयारी सुरु केली. मात्र या प्रवासासाठी ई पास असणं आवश्यक आहे. पुण्यातून खासगी वाहनाने गावाकडे जायचं असेल तर खास ई-पासची सुविधा देण्यात आली आहे. 

रेशनकार्डाच्या नियमात केंद्राकडून बदल; तब्बल एवढ्या लोकांना होणार फायदा

जर तुम्ही पुण्यात अडकला असाल तर तुमच्यासाठी खास ई- पासची सुविधा देण्यात आली आहे. सुरुवातीला अत्यावश्यक कामांसाठीच हा ई-पास मिळत होता. आता स्थलांतरित मजुरांनाही या पासचा लाभ घेता येणार असून, त्यासाठी काही प्रक्रिया पूर्ण करूनच हा पास मिळवता येईल. हा ई-पास तुम्ही ऑनलाईन आणि ऑफलाईन मिळवू शकता.

ऑनलाईन ई पास मिळवण्याची प्रक्रिया- ई-पास मिळवण्यासाठी ऑनलाईन आणि ऑफलाईन असे दोन्ही पर्याय ठेवण्यात आलेत. जर तुम्ही ऑनलाईन पर्याय निवडलात तर महाराष्ट्र पोलिसांच्या या वेबसाईटवर https://covid19.mhpolice.in/ जाऊन माहिती भरावी लागणार आहे.  
वेबसाईटवर गेल्यावर नाव, सध्या राहत असलेला पत्ता, जाण्याच्या ठिकाणाचा पत्ता, किती लोक जाणार आणि त्या प्रत्येकाची नावं, मोबाईल नंबर, पत्ता, पॅनकार्ड किंवा आधारकार्ड, वैद्यकीय प्रमाणपत्रं, तुम्ही कोणत्या वाहनानं जाणार त्याची माहिती त्यात भरा.
मोठी बातमी : रांगेत न थांबता दारू मिळणार; पुण्यात ई-टोकनला सुरवात!

ऑफलाईन ई पास मिळवण्याची प्रक्रिया-ऑफलाईन ई पास मिळवण्यासाठी पोलिस स्टेशनमध्ये जाऊन तु्म्हाला अर्ज करावा लागेल. सध्या राहत असलेला पत्ता, जाण्याच्या ठिकाणाचा पत्ता, किती लोक जाणार, त्या प्रत्येकाची नावं, मोबाईल नंबर, पत्ता, पॅनकार्ड किंवा आधारकार्ड, वैद्यकीय प्रमाणपत्रं, कोणत्या वाहनाने जाणार त्याची माहिती त्या अर्जात भरावी लागणार आहे. यात बसची व्यवस्था स्वत:च करायची आहे. तसेच बसमधून केवळ 22 लोकांनाच जाता येणार आहे. बससाठी पैसे जमा करूनही बसची व्यवस्था झाली नाही तर पोलिसच स्वत: बसची व्यवस्था करून देताहेत.

बाप रे ! पुण्याने ओलांडला कोरोनाग्रस्तांचा तीन हजारांचा टप्पा 

या संपूर्ण प्रक्रियेतून पार पडल्यानंतरच पोलिसांकडून ई-पास दिला जातो. त्याशिवाय ई-पास दिला जात नाही. शिवाय कंटेन्मेंट झोनमधील लोकांना ई-पास दिला जात नाही. तसंच कंटेन्मेंट झोनमधील नसलेल्यांना ज्या ठिकाणी जायचं आहे, जर तो परिसर कंटेन्मेंट झोनमध्ये असेल तर पास मिळत नाही. शिवाय ज्या गावाला जाणार आहात, त्या गावच्या प्रमुखाची एनओसीही आवश्यक आहे. पास दिल्यानंतर गावाकडे गेल्यावर तिथल्या ग्रामस्थांनी प्रवेश नाकारल्यास राहण्याची गैरसोय होऊ नये म्हणून ही खबरदारी घेण्यात येत असल्याचं सूत्रांनी सांगितलं. 

ऑनलाइन पोर्टलवर नोंदणी करावी- जे नागरिक वैयक्तिक जाऊ इच्छितात त्यांनी एसटी महामंडळाने तयार केलेल्या ऑनलाईन पोर्टलवर नाव नोंदणी करावी. हे पोर्टल सुरु झालं आहे. ऑनलाईन अर्ज करतेवेळी, आपण सध्या ज्या जिल्ह्यात वास्तव्य करत आहात, त्या जिल्ह्यातील जिल्हाधिकारी यांची परवानगी जोडणे आवश्यक आहे.

पुण्याच्या बातम्या वाचण्यासाठी येथे ► क्लिक करा