Earthquake In Maharashtra : पहाटे पहाटे राज्यात बसले भुकंपाचे धक्के !

Earthquake In Maharashtra : आंबेगाव तालुक्यातील घोडेगाव ,चिंचोली येथे पहाटेच्या सुमारास भूकंपाचे पाच धक्के बसल्याचे पहायला मिळाले. चिंचोली येथील स्थानिक नागरीक धक्के बसल डले त्यांना पाच भूकंपाचे धक्के बसल्याचे सावता झोडगे आणि आनंद कोकने यांनी सांगितले.

पहाटे २,३,४,५ व ६ च्या दरम्यान भूकंप झाल्याचे ग्रामस्थांनी सांगितले. घोडेगाव शहरामध्ये तीन ते सहाच्या दरम्यान तीन वेळा भूकंपाचे धक्के बसले. अशी माहिती सतीश काळे यांनी दिली . येथे घोडेगाव जवळील वाड्या परांडा व सालोबा मळा येथेही भूकंपाचे जोरदार धक्का बसले आहेत.

परांडा मध्ये चार ते सहाच्या दरम्यान तीन वेळा भूकंपाचे जोरदार धक्का बसले असल्याचे सुरजन काळे या तरुणाने सांगितले. तर सालोबा मळा येथे पाच वेळा भूकंपाचे हादरे बसले. चिंचोली व सालोबा मळा येथे ग्रामस्थ पहाटे दोन ते सहा वाजेपर्यंत घराच्या बाहेरच होते. नागरिकांमध्ये घबराटीचे वातावरण तयार झाले आहे.

सालोबा मळा येथे पंधरा दिवसांपूर्वीच असाच एक भूकंपाचा धक्का बसल्याचे गणेश घोडेकर यांनी सांगितले. याबाबत तहसीलदार संजय नागटिळक यांच्याशी संपर्क साधला असता त्यांनी माहिती घेऊन सांगतो असे सांगितले.