Pune Crime News : बांधकाम व्यावसायिकाच्या कार्यालयावर ‘ईडी’चा छापा

पुणे : येथील एका बड्या बांधकाम व्यावसायिकाच्या कार्यालयावर अंमलबजावणी संचालनालयाकडून (ईडी) शुक्रवारी छापा टाकण्यात आला. हडपसर परिसरातील महम्मदवाडी भागात ही कारवाई करण्यात आली.

आर्थिक गैरव्यवहार प्रकरणी बांधकाम व्यावसायिकाची चौकशी करण्यात आली. बांधकाम व्यावसायिकाने कल्याणीनगर, येरवडा, महम्मदवाडी, एनआयबीएम रस्ता आणि वानवडी भागात मोठे गृहप्रकल्प उभारले आहेत. ईडीच्या मुंबई पथकाकडून ही कारवाई केली. ईडीच्या पथकाने बांधकाम व्यावसायिकाची सायंकाळी उशिरापर्यंत चौकशी केली. तसेच, काही कागदपत्रे ताब्यात घेतली आहेत, अशी माहिती सूत्रांनी दिली.