Pune Crime : रिक्षाचालकाने भर रस्त्यात महाविद्यालयीन तरुणीचा केला विनयभंग, पोलिसांकडून अटक

रिक्षाचालकाने एका महाविद्यालयीन तरुणीचा विनयभंग केल्याची धक्कादायक घटना समोर आली.
crime
crime esakal
Summary

रिक्षाचालकाने एका महाविद्यालयीन तरुणीचा विनयभंग केल्याची धक्कादायक घटना समोर आली.

पुणे - रिक्षाचालकाने एका महाविद्यालयीन तरुणीचा विनयभंग केल्याची धक्कादायक घटना समोर आली आहे. या प्रकरणी चतु:शृंगी पोलिसांनी रिक्षाचालकाला अटक केली आहे.

याप्रकरणी एका १९ वर्षीय तरुणीने चतु:शृंगी पोलिस ठाण्यात फिर्याद दिली आहे. त्यावरून पोलिसांनी रिक्षाचालकाविरुद्ध विनयभंगाचा गुन्हा दाखल केला आहे. सचिन संजय जगताप (वय ३९, रा. कोंढवे धावडे) असे अटक केलेल्या रिक्षाचालकाचे नाव आहे. पोलिसांनी दिलेल्या माहितीनुसार, ही तरुणी कोथरूड परिसरातील एका महाविद्यालयात शिक्षण घेत आहे. ती कोथरुड परिसरातून गुरुवारी (ता. १६) सायंकाळी पाच वाजता रिक्षाने सावित्रीबाई फुले पुणे विद्यापीठाकडे निघाली होती.

crime
Police Recruitment : मैदानी चाचणी संपली, लेखी परीक्षा दोन एप्रिलला

त्यावेळी रिक्षाचालकाने विद्यापीठाजवळ रस्त्यातच रिक्षा थांबवून तरुणीसोबत लगट करण्याचा प्रयत्न केला. या प्रकाराने घाबरलेल्या तरुणीने रिक्षाचालकाला विरोध करून ती रिक्षातून बाहेर पडली. परंतु रिक्षाचालकाने तिला धमकावून तिचा मोबाईल क्रमांक घेतला. या घटनेनंतर तरुणीने चतु:शृंगी पोलिस ठाणे गाठून तक्रार दिली. पोलिसांनी पसार झालेल्या रिक्षाचालकाला अटक केली आहे. त्याला शनिवारी न्यायालयात हजर करण्यात येणार आहे, असे पोलिस उपनिरीक्षक सचिन गाडेकर यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com