शिक्षण विभागाचे ऑनलाइन चर्चासत्र; दिल्लीचे शिक्षणमंत्री देणार अधिकाऱ्यांना 'धडे'

पुणे : शिक्षण क्षेत्राच्या प्रगतीसाठी विचारमंथन व्हावे म्हणून शिक्षण विभागाने ऑनलाइन चर्चासत्रांचा उपक्रम सुरू केला आहे. यात अन्य राज्यातील तज्ज्ञांचे मार्गदर्शन अधिकाऱ्यांना मिळणार आहे. उद्या (ता.16) होणाऱ्या सत्रात दिल्लीचे शिक्षणमंत्री मनीष सिसोदिया अधिकाऱ्यांना 'धडे' देणार आहेत.

बातम्या ऐकण्यासाठी डाऊनलोड करा ई-सकाळचे ऍप
पुण्यातील राज्य शैक्षणिक संशोधन व प्रशिक्षण परिषदेने शिक्षण विभागातील अधिकारी यांच्या व्यावसायिक विकासासाठी ऑनलाईन व्यावसायिक विकास मंच तयार करण्यात आला आहे. त्याअंतर्गत आतापर्यंत एकूण पाच खुली सत्रे यामध्ये झाली आहेत.

पुण्याच्या आणखी बातम्या वाचण्यासाठी येथे ► क्लिक करा

आता सहावे सत्र उद्या (ता.16) सकाळी 10.45 ते 12.15 या वेळेत होणार आहे. यात
'दिल्ली शैक्षणिक प्रयोग' या विषयावर चर्चा'दिल्लीचे शिक्षणमंत्री मनीष सिसोदिया हे यात मार्गदर्शन करणार आहेत. राज्याच्या शिक्षणमंत्री वर्षा गायकवाड या देखील यावेळी उपस्थित राहणार आहेत.

coronavirus: पुणे शहरातील आणखी काही भागांत "कर्फ्यू' 
सर्व अधिकाऱ्यांसाठी झूम अॅपद्वारे ही सत्रे घेतली जात आहेत. सत्र ज्या दिवशी होणार आहे, त्यापूर्वी अधिकाऱ्यांना त्याची लिंक पाठविली जाते. अधिकाऱ्यांमधील कौशल्ये विकसित करण्याबरोबर राज्यातील शिक्षण व्यवस्थेची प्रगती होण्यासाठी दिशा मिळावी, या उद्देशाने ही सत्रे आयोजित केली जात आहेत.

पुणेकरांनी फ्ल्यूची लक्षणं दिसल्यास काय करायचं? ही बातमी वाचा!
परिषदेचे संचालक दिनकर पाटील म्हणाले, "शिक्षण क्षेत्राच्या भवितव्याचा विचार याद्वारे केला जातो आहे. देशा परदेशातील तज्ज्ञांचे मार्गदर्शन आम्ही अधिकाऱ्यांना मिळवून देत आहेत. त्याचे भविष्यात नक्कीच सकारात्मक परिणाम दिसून येतील. संवादातून विकास साधला जाईल."

coronavirus: पुणे शहरात कोरोना बाधित रुग्णांचा मृत्यूदर रोखण्यासाठी टास्क फोर्स​

पालकांसाठीही सत्रे
केवळ अधिकाऱ्यांपुरते मर्यादित न राहाता आम्ही पालकांसाठी देखील फेसबूक लाइव्हद्वारे तज्ज्ञांचे मार्गदर्शन आयोजित करीत आहोत. यातून पालकत्व आणि लहान मुलांचे संगोपन, तसेच त्यांच्यामधील सर्जनशील वृत्तीला फुलविण्याचा प्रयत्न आम्ही करणार आहोत. या सत्रांपू्र्वी पालकांना त्याची वेळ व्हॉट्सअँप आणि फेसबूकच्या माध्यमातून कळविली जाईल.