सबस्क्राईब करा
पुणे - खेळताना तोल जाऊन विहिरीत पडून एका आठ वर्षीय मुलाचा शनिवारी (ता.१८) मृत्यू झाला. कोंढव्यातील भाग्योदय नगरमध्ये ही घटना घडली.
मस्तान मुस्ताक शेख (वय ८, रा. भाग्योदय नगर, कोंढवा) असे विहिरीत पडून मृत्यू मुलाचे नाव आहे. याबाबत कोंढवा पोलिस ठाण्यात अकस्मात मृत्यूची नोंद करण्यात आली आहे.
कोंढवा पोलिस स्टेशनचे वरिष्ठ पोलिस निरिक्षक संतोष सोनावणे यांनी दिलेल्या माहितीनुसार, भाग्योदयमधील गल्ली क्रमांक २८ मध्ये मस्तान खेळत होता. खेळत असताना तोल गेल्याने ताे विहिरीत पडला. याबाबत तातडीने त्याच्या चुलत्याने तसेच आई-वडिलांनी अग्नीशमन दलाला कळविले.
तेव्हा अग्नीशमन दलाचे कर्मचारी व कोंढवा पोलिस चौकीच्या अधिकाऱ्यांनी मुलाला बाहेर काढले. त्यास ससून सर्वोपचार रूग्णालयात नेण्यात आले होते. मात्र तपासणीपूर्वीच त्याचा मृत्यू झाल्याचे डॉक्टरांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.