बारामती - शहरातील नीलम पॅलेस चौकामध्ये हायवा ट्रकने धडक दिल्याने एका वृध्दाचा दुर्देवी मृत्यू झाला. सोमवारी (ता. 29) सकाळी साडेअकराच्या सुमारास ही घटना घडली. .या संदर्भात पोलिसांनी दिलेल्या माहितीनुसार फलटण चौकातून पुण्याच्या दिशेने हायवा (क्रमांक एमएच 12- एसएक्स- 4750) निघालेला असताना सायकलवरुन निघालेल्या मारुती उमाजी पारसे (वय-70, रा. गवारे फाटा, बारामती) यांना त्याची जोरदार धडक बसल्याने त्यांचा जागीच मृत्यू झाला. या प्रकरणी मारुती पारसे यांचा मुलगा सतीश पारसे यांनी शहर पोलिसात फिर्याद दिली आहे..या फिर्यादीवरुन हायवा चालक राजनारायण बलजीत सिंह (रा. चकदौर, राजस्थान) यास पोलिसांनी अटक केली आहे. या घटनेनंतर हायवा चालकास पकडून पोलिसांच्या ताब्यात देण्यात आले. संतप्त जमावाने हायवाच्या काचा फोडून निषेध व्यक्त केला.ही घटना घडल्यानंतर स्थानिकांनी काही वेळ वाहतूक रोखून धरली होती. पोलिसांनी हस्तक्षेप करुन नागरिकांची समजूत काढली. संध्याकाळी सात नंतरच हायवा, टीपर, डंपर वाहतूकीस परवानगी दिली जाईल अशी ग्वाही पोलिसांनी दिल्यानंतरच नागरिकांनी वाहतूक सुरळीत करु दिली..दरम्यान या अपघाताविरोधात मंगळवारी (ता. 30) डॉ. बाबासाहेब आंबेडकर पुतळा स्मारकापासून ते प्रशासकीय भवनापर्यंत सकाळी अकरा वाजता मोर्चा काढण्यात येणार आहे. बारामती शहरातील दिवसा डंपर वाहतूक कायमस्वरूपी बंद करावी, जबाबदार अधिकाऱ्यांवर मनुष्यवधाचा गुन्हा दाखल करावा व अशा अपघातग्रस्त कुटुंबियांना तातडीची मदत जाहीर करावी या मागण्यांसाठी मोर्चा काढला जाणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
