पुणे | सिंहगडावर अडकलेल्या संतप्त पर्यटकांनी फोडली इलेक्ट्रिक बस

महाराष्ट्र 1 मे 2022 पासून सिंहगड किल्यावर ये-जा करण्यासाठी प्रायोगिक तत्त्वावर ई-बस सुरू करण्यात आली आहे. डोणजे येथे खासगी वाहनांना पार्किंगची व्यवस्था करण्यात आली असून तेथून ई-बसची सोय करण्यात आली आहे. त्यासाठी प्रत्येकी पन्नास रुपये तिकीट दर निश्चित करण्यात आला आहे. (E- Buses on Sinhagad)

ई-बस चार्जिंग करण्यासाठी सिंहगड किल्ल्यावरील वाहन तळावर दोन चार्जिंग पॉईंट उभारण्यात आले आहेत. मात्र, या बसेस सुरू झाल्यापासून पर्यटकांचा संताप वाढतोय. अनेकदा चार्जिंगसाठी बसेस थांबतात. त्यामुळे पर्यटकांना निघण्याच्या वेळेत बस उपलब्ध नसते. अशीच घटना पुन्हा घडल्याने पर्यटकांनी संताप व्यक्त केलाय.

चार्जिंग अभावी ई-बस बंद; सिंहगडावर नागरिकांचे हाल

दरम्यान सिंहगडावर आणखी एक प्रकार समोर आला आहे. सिंहगडावर अडकलेल्या संतप्त पर्यटकांनी इलेक्ट्रिक बस फोडली. गडावरुन खाली जाण्यासाठी बस उपलब्ध नसल्याने पर्यटकांना मोठा मनस्ताप सहन करावा लागला. रविवार असल्याने पर्यटकांची मोठी गर्दी झाली होती. मात्र रात्री इलेक्ट्रिक बसला चार्जिंग नसल्याने बस सेवा ठप्प झाली. त्यामुळे पर्यटकांना बराच वेळ गडावर वाट पाहावी लागली.

रात्रीची वेळ असल्याने मोठ्या संख्येने पर्यटक गडावर गेले होते. अखेर त्यांना पायपीट करत खाली याव लागलं. यातच पीएमपीएलवर काही पर्यटकांनी दगड मारला. वनविभाग आणि पीएमपीएल विभागाचा ढिसाळ कारभार यामुळे पुन्हा समोर आलाय.

आज रविवार असल्याने मोठ्याप्रमाणात पर्यटक व दुर्गप्रेमी सिंहगडावर आले होते. तब्बल नव्वद फेऱ्यांमधून सुमारे तीन हजार पेक्षा जास्त नागरिक सिंहगडावर पोहोचले होते, परंतु दुपारनंतर एकूण वीस गाड्यांपैकी बारा गाड्या चार्जिंग अभावी बंद पडल्या होत्या. पाच सीएनजी बस मागविण्यात आल्या परंतु त्यांचेही ब्रेकपॅड गरम होत असल्याने त्यांना थंड होण्यासाठी थांबावे लागत होते. तासंतास रांगेत उभे राहून संतापलेले नागरिक पीएमटीच्या कर्मचाऱ्यांशी हुज्जत घालत होते. पीएमटीचे कर्मचारी मात्र चार्जिंग अभावी बंद पडलेल्या बसमुळे हतबल झालेले दिसत होते.