घरावर बांधकामाचा कचरा पडल्याने इंजिनीअरने व्यावसायिकाचा केला खुन | Sakal
sakal

बोलून बातमी शोधा

murder
घरावर बांधकामाचा कचरा पडल्याने इंजिनीअरने व्यावसायिकाचा केला खुन

घरावर बांधकामाचा कचरा पडल्याने इंजिनीअरने व्यावसायिकाचा केला खुन

पुणे : शेजारी सुरु असलेल्या बांधकामाचा कचरा (Construction waste)घरावर व गाडीवर पडल्याच्या रागातुन इलेक्‍ट्रीकल इंजिनीअरने(Electrical engineer) घर बांधणाऱ्या व्यावसायिकावर चाकूने वार करुन त्याचा खुन केला. हि घटना सोमवारी सकाळी दहा वाजता बिबवेवाडी येथील सुखसागर नगर (भाग 2) येथे घडली. याप्रकरणी बिबवेवाडी पोलिसांनी (Bibwewadi Police)आरोपीस अटक केली आहे.

हेही वाचा: लसीकरण केंद्रासाठी वेळेची मर्यादा नाही : केंद्राकडून स्पष्टीकरण

शरद सीताराम पुरी (वय 35, रा.सुखसागर नगर, बिबेवाडी) असे खुन झालेल्या व्यावसायिकाचे नाव आहे. तर सचिन विठ्ठल कपटकर (वय 46, रा. सुखसागर नगर, बिबवेवाडी) असे पोलिसांनी अटक केलेल्या संशयित आरोपीचे नाव आहे. वरिष्ठ पोलिस निरीक्षक सुनील झावरे यांनी दिलेल्या माहितीनुसार, बिबवेवाडी येथील सुखसागर नगरमध्ये (भाग 2) पुरी व कपटकर हे दोघेही एकमेकांच्या शेजारी राहण्यास होते. पुरी यांचा छोटासा व्यावसाय होता, ते त्यांच्या कुटुंबासह तेथे राहात होते. तर पटकर हा इलेक्‍ट्रीकल इंजिनिअर आहे. दरम्यान, पुरी यांनी त्यांच्या घराचे बांधकाम सुरू केले होते. बांधकामाचा कचरा कपटकर याच्या घरावर व गाडीवर पडत असे. त्यावरुन दोघांमध्ये भांडणे झाली होती. दरम्यान, सोमवारी सकाळी दहा वाजण्याच्या सुमारास कपटकर याने पुरी यांच्यावर चाकूने वार केला. या हल्ल्यात पुरी गंभीर जखमी झाल्याने त्यांचा मृत्यु झाला. कपटकर यास सध्या कोणत्याही प्रकारचे काम नव्हते. मागील चार ते पाच वर्षांपासून तो बेरोजगार आहे.(Pune Crime News)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top