वीजबिलाचा तपशील ‘एसएमएस’द्वारे; महावितरणकडून सुविधा

पुणे - महावितरणच्या पुणे परिमंडळ अंतर्गत घरगुती, वाणिज्यिक, औद्योगिक, कृषी व इतर अशा एकूण ३० लाख १४ हजार ५६० (९६ टक्के) वीजग्राहकांनी ग्राहक क्रमांकासोबत मोबाईल क्रमांकांची आतापर्यंत नोंदणी केली आहे. या सर्व ग्राहकांना वीजपुरवठा, वीजबिलांसह इतर विविध माहितीचा तपशील ‘एसएमएस’द्वारे देण्यात येत आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पूर्वनियोजित देखभाल व दुरुस्ती, तांत्रिक किंवा अन्य कारणांमुळे वीजपुरवठा खंडित झाल्यास तो पूर्ववत होण्यास लागणारा संभाव्य कालावधी, तसेच दरमहा वीजबिलांची रक्कम, स्वतःहून मीटर रीडिंग पाठविण्याचे ग्राहकांना आवाहन, मीटर रीडिंग घेतल्याची तारीख व वापर केलेली एकूण युनिट संख्या, वीजबिलाची रक्कम, देय दिनांक आदींची माहिती दरमहा ग्राहकांनी नोंदणी केलेल्या मोबाईल क्रमांकावर ‘एसएमएस’द्वारे महावितरणकडून पाठविण्यात येत आहे. 

Corona Updates: पुणे जिल्ह्यात कोरोनाला ओहोटी; मृत्युदर आला निम्म्यावर

सध्या पुणे परिमंडलातील १ लाख २४ हजार ३५३ वीजग्राहकांनी त्यांच्या मोबाईल क्रमांकाची नोंदणी केलेली नाही. यामध्ये १ लाख ११ हजार ३५६ अकृषिक तसेच १२९९७ कृषी ग्राहकांचा समावेश आहे. ज्या ग्राहकांनी अद्यापही ग्राहक क्रमांकासोबत मोबाईल क्रमांकाची नोंदणी केलेली नाही त्यांना महावितरणच्या ९९३०३९९३०३ या क्रमांकावर ‘एसएमएस’द्वारे मोबाईल क्रमांकाची नोंदणी करण्याची सोय उपलब्ध आहे. वीजग्राहकांनी नोंदणी करावयाच्या मोबाईल क्रमांकावरून MREG(स्पेस) (बारा अंकी ग्राहक क्रमांक) अशी माहिती टाइप करून ९९३०३९९३०३ क्रमांकावर ‘एसएमएस’ केल्यास मोबाईल क्रमांकाची नोंदणी होते. 

तुम्ही पासपोर्ट काढताय? फसव्या संकेतस्थळापासून राहा सावध!

सर्वाधिक प्रतिसाद पिंपरी-भोसरीत

• पुणे शहरातील महावितरणच्या कोथरूड, शिवाजीनगर, रास्ता पेठ, नगररोड, पद्मावती, पर्वती, बंडगार्डन या सात विभागांतर्गत घरगुती, वाणिज्यिक, औद्योगिक, कृषी व इतर असे १६ लाख ४ हजार ५६३ (९५ टक्के) ग्राहक
• पिंपरी चिंचवड शहरातील पिंपरी व भोसरी या दोन विभागांतर्गत ६ लाख ७१ हजार ४५० (९७ टक्के) 
• पुणे ग्रामीण मंडलमधील मुळशी, मंचर व राजगुरुनगर विभागातील ७ लाख ३८ हजार ५४७ (९६.४५ टक्के)

Edited By - Prashant Patil