पुणे : मोटारचालकांना धमकावून लुटल्याच्या घटना औंध आणि बोपोडी परिसरात घडल्या, तर येरवडा परिसरात पादचारी तरुणाच्या हातातील मोबाईल दुचाकीस्वार चोरट्यांनी हिसकावून नेल्याची घटना उघडकीस आली..मोटारीचा धक्का लागल्याची बतावणी करून चोरट्यांनी एका मोटारचालकाचा ६० हजारांचा मोबाईल हिसकावून नेल्याचा प्रकार स्पायसर कॉलेज रस्त्यावर १७ जूनला घडला. याबाबत तरुणाने चतु:शृंगी पोलिस ठाण्यात फिर्याद दिली आहे. त्याने दिलेल्या फिर्यादीनुसार, दोन चोरट्यांवर गुन्हा दाखल केला आहे. .तक्रारदार तरुण स्पायसर कॉलेज रस्त्याने १७ जूनला दुपारी तीनच्या सुमारास निघाला होता. त्यावेळी दुचाकीवरून आलेल्या दोन चोरट्यांनी तरुणाची मोटार अडविली. आमच्या दुचाकीला मोटारीचा धक्का लागल्याची बतावणी करून वाद घालण्यास सुरुवात केली. त्यानंतर चालकाला धक्काबुक्की करून चोरट्यांनी त्याच्याकडील ६० हजारांचा मोबाईल हिसकावून नेला..शस्त्राच्या धाकाने मोटारचालकाला लुटल्याची घटना बोपोडी मेट्रो स्थानक परिसरात घडली. याबाबत तरुणाने खडकी पोलिस ठाण्यात फिर्याद दिली आहे. तक्रारदार तरुण चिंचवड परिसरात राहायला आहे. तो मंगळवारी (ता. २४) दुपारी साडेबाराच्या सुमारास निघाला होता. बोपोडी मेट्रो स्थानकाजवळ दुचाकीवरून आलेल्या दोघांनी त्याची मोटार अडविली. दुचाकीला हुल का दिली, अशी विचारणा करून वाद घालण्यास सुरुवात केली. त्यानंतर शस्त्राचा धाक दाखवून तरुणाच्या कानातील बाळी काढून घेतली व दुचाकीवरून पसार झाले..तरुणाचा मोबाईल हिसकावून नेल्याची घटना येरवडा भागात सोमवारी (ता. २३) रात्री सव्वानऊच्या सुमारास घडली. याबाबत तरुणाने येरवडा पोलिस ठाण्यात फिर्याद दिली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
