Cyber Crime: सायबर चोरट्यांच्या रडारवर पुण्याचे जिल्हाधिकारी? फेसबूक अकाऊंट काढून...

राज्यात सायबर गुन्हे मोठ्या प्रमाणावर वाढताना दिसून येत आहेत. मोठमोठ्या अधिकाऱ्यांवर सायबर चोरट्यांची करडी नजर असल्याचं दिसून येत आहे. गेल्याच महिन्यात आयपीएस अधिकारी विश्वास नांगरे पाटील यांच्या नावाचे खोटे फेसबूक अकाऊंट बनवण्यात आले होते. अशात आता पुण्याच्या जिल्हाधिकाऱ्यासोबत दुसऱ्यांदा अशा प्रकारची घटना समोर आली आहे.

पुण्याचे जिल्हाधिकारी राजेश देशमुख यांच्या नावाने बनावट फेसबूक अकाऊंट तयार करण्यात आले आहे. डॉ. राजेश देशमुख यांचे फोटो वापरत मागील महिन्यात "माही वर्मा" या नावाने फेसबूक अकाऊंट तयार करण्यात आले आहे. त्या प्रकरणी पोलिसांनी तपास करत आरोपींच्या मुसक्या आवळल्या होत्या. अशात आता पुन्हा एकदा देशमुख यांचे नाव वापरून बनावट फेसबूक अकाऊंट तयार केल्याचा प्रकार समोर आला आहे.(Latest Marathi News)

यापूर्वी ४ ते ५ वेळेला त्यांचे बनावट फेसबुक अकाऊंट तयार करण्यात आले होते. त्यांच्या मित्र परिवारातील अनेकांना रिक्वेस्ट सुद्धा पाठवण्यात आल्या होत्या. या संदर्भात राजेश देशमुख यांनी सायबर पोलिसांना माहिती दिली आहे. फेसबुकवर माझ्या नावाने तयार करण्यात आलेले अकाउंट माझे नसून कुठल्या ही प्रकारच्या फ्रेंड रिक्वेस्ट स्वीकारू नका असे आवाहन स्वतः देशमुख यांनी केलं आहे.

फेसबुकवर माझ्या नावाने तयार करण्यात आलेले अकाउंट माझे नसून कुठल्या ही प्रकारच्या फ्रेंड रिक्वेस्ट स्वीकारू नका, असे आवाहन स्वतः देशमुख यांनी केलं आहे. तसेच या संदर्भात राजेश देशमुख यांनी सायबर पोलिसांना माहिती दिली आहे. जिल्हाधिकारी राजेश देशमुख यांचे नाव वापरून याआधी तीन वेळा काही अज्ञातानी फेसबुक अकाऊंट तयार केले होते. आता पुन्हा तिसऱ्यांदा केले आहे.(Latest Marathi News)