पुणे : शहरातील नागरिकांना महापालिकेच्या नावाने पाणी बिल न भरल्यास नळजोड बंद करण्यात येईल, असे संदेश मोबाईलवर प्राप्त होऊ लागले आहेत. या गंभीर प्रकाराची महापालिका प्रशासनाने तातडीने दखल घेतली आहे. असे संदेश महापालिकेकडून पाठविण्यात येत नाहीत, अशा संदेशाद्वारे फसवणूक होण्याची शक्यता असल्याने नागरिकांनी त्यास बळी पडू नये, असे आवाहन महापालिका प्रशासनाने केले आहे.