खुटबाव - भांडगाव (ता. दौंड) येथील पूजा काशिनाथ महानवर या मुलीने पहिल्याच प्रयत्नामध्ये मुंबई पोलिसाची वर्दी मिळविल्याने कारंडे पिंगळे वस्ती येथील धनगर वाड्यामध्ये आनंदोत्सव साजरा करण्यात आला.
पुजाचे वडील काशिनाथ शिवाजी महानवर व आई सोनाली काशिनाथ महानवर हे भांडगाव मधील मेंढपाळ व शेतकरी कुटुंबातील आहेत. दोन वर्षांपूर्वी वडील काशिनाथ महानवर यांनी मुलांच्या शिक्षणासाठी मुंबई येथे कुटुंब स्थलांतरित केले. मुंबईला जाऊन महानवर यांनी स्वतःचा टेम्पो चालवून कुटुंबाचा चरितार्थ केला.
मुलांना शिकवण्यासाठी तितकीच मोलाची साथ आई सोनाली यांनी दिली. पूजाने प्रहार ॲकॅडमी, अंधेरी येथे ऑगस्ट २०२३ पासून परिश्रमास सुरवात करून पहिल्याच प्रयत्नात आणि वयाच्या १९ व्या वर्षी ‘मुंबई पोलिस’ पदाला गवसणी घातली. पूजाच्या यशाबद्दल दौंड तालुक्याचे आमदार राहुल कुल यांनी तिचा सत्कार केला.
याप्रसंगी पुजाचे वडील काशिनाथ महानवर, लक्ष्मण दोरगे, विजय दोरगे आणि कर्तव्य फाउंडेशनचे संस्थापक श्याम कापरे उपस्थित होते.
शिक्षण चालू असताना फक्त नोकरी करायची नव्हती तर जनतेला रक्षण देणाऱ्या पोलिस दलातच नोकरी करायची होती म्हणून पोलिस भरतीच्या तयारीस सुरवात केली. भविष्यात एवढ्यावरच न थांबता फौजदार होऊन आई-वडिलांचे स्वप्न पूर्ण करणार आहे.
- पूजा महानवर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.