Farmer’s Child Becomes CA, Earns Admiration in Village
sakal
शिक्रापूर: ग्रामीण भागातील विद्यार्थ्यांना जिद्द आणि योग्य मार्गदर्शनाची जोड मिळाली की यश हमखास मिळते, त्याचाच प्रत्यय केंदूर (ता. शिरूर) येथील गणेश बाबाजी जाधव याने नुकताच दिला. अत्यंत कठीण समजली जाणारी सीए (सनदी लेखापाल) ही परीक्षा तो उत्तीर्ण झाल्याने त्याने त्याचे, गावाचे व त्याच्या कुटुंबाचे नाव उज्ज्वल केले. त्याच्या या यशाबद्दल त्याचा विशेष सत्कार नुकताच केंदूर ग्रामस्थांच्या वतीने करण्यात आला.
