ग्रामपंचायतींचा दिव्यांगांच्या हक्काच्या निधीवर डल्ला; पुण्यात उपोषण 

पुणे : जिल्ह्यातील सर्व ग्रामपंचायतींमध्ये दिव्यांगासाठी पाच टक्के निधी राखीव असूनही तो खर्च केला जात नाही. यापैकी निम्म्या निधीवर ग्रामपंचायतींकडून डल्ला मारला जात असल्याचा आरोप प्रहार दिव्यांग कल्याण आंदोलन या संघटनेने केला आहे. हा हक्काचा निधी त्वरीत मिळावा, या मागणीसाठी संघटनेच्यावतीने मंगळवारी (ता.११) जिल्हा परिषद मुख्यालयासमोर लाक्षणिक उपोषण करण्यात आले.

- पुण्याच्या बातम्या वाचण्यासाठी येथे ► क्लिक करा 

दिव्यांगासाठी राखीव असलेला सर्व निधी दिव्यागांच्या वैयक्तिक लाभासाठी खर्च  केला जाईल, यासाठी ग्रामपंचायतींना आदेश दिला जाईल. येत्या १५ दिवसांत हा निधी दिव्यांगांसाठीच वापरला जाईल, असे आश्र्वासन मुख्य कार्यकारी अधिकारी आयुष प्रसाद यांनी यावेळी दिले. प्रसाद यांच्या आश्वासनानंतर हे लाक्षणिक उपोषण सोडण्यात आले. 

प्रहार दिव्यांग कल्याण आंदोलन संघटनेचे पश्र्चिम महाराष्ट्र अध्यक्ष धर्मेंद्र सातव यांच्या नेतृत्वाखाली दत्तात्रेय ननवरे, सुप्रिया लोखंडे, साहेबराव जगताप, नंदू पोळेकर आदींनी हे उपोषण केले. यामध्ये सुरेखा ढवळे, राजेंद्र खाकाळ, 
अनिता कांबळे, रोहित भोसले, पृथ्वीराज म्हस्के आदी सहभागी झाले होते. 

बारामतीकरांनो सावधान, आता कोरोनाच्या समूह संसर्गाचा धोका 

दरम्यान, सिईओ आयुष प्रसाद यांच्या आश्वासनानंतर प्रसाद यांच्या हस्ते सर्व उपोषणकर्त्यांना कॅडबरी चॉकलेट देऊन उपोषण सोडण्यात आले. 

प्रत्येक ग्रामपंचायतीने एकूण  स्वउत्पन्नातील पाच टक्के निधी दिव्यांग कल्याणासाठी खर्च करणे बंधनकारक आहे. तरीही तो खर्च केला जात नाही. अजूनही जिल्हा परिषदेने दिलेल्या आश्वासनाची पुर्तता न झाल्यास आंदोलन केले जाईल.-सुप्रिया लोखंडे, उपोषणार्थी.

- ताज्या बातम्यांसाठी डाऊनलोड करा ई-सकाळचे ऍप

मुख्य कार्यकारी अधिकारी आयुष प्रसाद यांच्या आश्वासनानंतर आम्ही उपोषण मागे घेतले आहे. मात्र या आश्वासनांची पुर्तता व्हावी, हीच अपेक्षा आहे. -दत्तात्रेय ननवरे
उपोषणार्थी

(Edited by : Sagar Diliprao Shelar)