पुणे तिथे काय उणे या उक्तीप्रमाणेच पुण्यात अनेक वेगवेगळ्या घटना घडतात. काही दिवसांपूर्वी एका चोराने कुत्रं पळवून नेल्याची घटना घडली होती. तर आताची घटना कुत्र्यांच्या बाबतीतच आहे. भांडण कुत्रे करत असतानाच माणसांमध्ये तुंबळ हाणामारी झाल्याचा प्रकार समोर आला आहे.
सावित्रीबाई फुले पुणे विद्यापीठात कुत्र्यांचे भांडण सुरू असताना हे भांडण न सोडवल्याने दोन जणांमध्ये हाणामारी सुरू झाल्याचा प्रकार समोर आला आहे. या हाणामारीत एकाकडून कुत्र्याच्या बेल्टने दुसऱ्याला मारहाण करण्यात आली आहे. या प्रकरणी चतु:श्रृंगी पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, फिर्यादी आणि आरोपी पुणे विद्यापीठात सेवक चाळ या ठिकाणी शेजारी राहतात. शनिवारी दुपारी फिर्यादी यांचा कुत्रा आणि आरोपी यांचा कुत्रा या दोघात भांडण सुरू झाले. तेव्हा आरोपीने फिर्यादीला कुत्र्यातील भांडण सोडवण्यासाठी सांगितले. मात्र मी मध्ये पडणार नाही अशी भूमिका फिर्यादी यांनी मांडली आणि तिथून निघून गेल्या. आरोपीने मागून जाऊन हातातील कुत्र्याच्या बेल्टने फिर्यादीच्या डोक्यात मारहाण केली आहे. पुढील तपास पोलीस करत आहेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
