पुणे - चारित्र्याच्या संशयावरून सतत पत्नीशी होणाऱ्या भांडणातून पोटच्या साडेतीन वर्षीय चिमुकल्याच्या खुनासाठी नराधम बापाने चाकूसह ब्लेडचा वापर केला. खुनासाठी वापरण्यात आलेला चाकू पोलिसांनी जप्त केला आहे.
माधव साधुराव टेकेटी (वय-२८, रा. चंदननगर) असे या पित्याचे नाव आहे. २० ते २१ मार्च दरम्यान ही घटना घडली. आरोपीने चिमुकल्याचा खराडी दर्ग्यासमोरील फॉरेस्ट पार्क परिसरात निर्जनस्थळी जाऊन चाकूने मुलाचा गळा चिरून खून केला. रात्रीचे नऊ वाजूनही पती आणि मुलगा घरी न आल्याने आईने चंदननगर पोलिस ठाण्यात तक्रार दाखल केली. या गुन्ह्यात पुरावा नष्ट केल्याप्रकरणी कलमवाढ करण्यात आली आहे.
टेकेटी यास अटक करून शनिवारी (ता. २२) प्रथमवर्ग न्यायदंडाधिकारी टी. एस. गायगोले यांच्या न्यायालयात हजर करण्यात आले होते. आरोपीने केलेला गुन्हा गंभीर स्वरूपाचा आहे. त्याने स्वत:च्या मुलाचे अपहरण करून त्यास निर्जनस्थळी नेऊन त्याचा गळा कापून खून केला आहे.
त्याने चाकू कोठून आणला तसेच गुन्ह्यासाठी वापरलेली दुचाकी कोठे आहे याबाबत तपास करायचा आहे. गुन्हा करताना त्याच्या अंगावर असलेले कपडे त्याने कोठे टाकली याचा तपास करायचा असून ती हस्तगत करायची असल्याने आरोपीला जास्तीत जास्त पोलिस कोठडी देण्यात यावी, असा युक्तिवाद सरकार पक्षातर्फे दिलीप गायकवाड यांनी केला. न्यायालयाने टेकेटी याला २८ मार्चपर्यंत पोलिस कोठडी सुनावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.