राहू - राहू (ता. दौंड) येथील शिंदे नगर परिसरात आज मध्यरात्रीच्या सुमारास बिबट्याची साधारणता पाच वर्षे वयाची मादी पिंजऱ्यात जेरबंद करण्यात वन विभागाला यश आले. अशी माहिती वनविभागाच्या अधिकाऱ्यांनी दिली.
या परिसरात अनेक दिवसांपासून बिबट्याचा वावर वाढल्याने येथील अनेक पाळीव प्राणी मोठ्या प्रमाणात फस्त केले होते. तसेच नागरिकांमध्ये सुद्धा भीतीचे वातावरण होते. वनविभागाने बिबट्याला ताब्यात घेऊन. मादीची वैद्यकीय तपासणी करून मादीला अभयारण्यात सुखरूप पोहोचवणार असल्याची माहिती वन विभागाच्या वतीने देण्यात आली. दौंड तालुक्यातील नदी पट्टयात तसेच राहू बेट परिसरात बिबट्याचा वावर गेल्या अनेक वर्षांपासून वाढलेला आहे.
उसाची शेती मोठ्या प्रमाणात आहे . मुळा-मुठा आणि भीमा नदीचा परिसर व त्या भोवताली असणारे हजारो एकरांचे कुरण त्यामुळे बिबट्याला लपायला अधिक वाव आहे. बिबट्याना पकडण्यासाठी शर्थीने प्रयत्न सुरू केले असून येथील शेतकऱ्यांनी तात्पुरता सुटकेचा श्वास घेतला आहे. राहू बेट परिसरात उर्वरित बिबटे जेरबंद करण्यासाठी वन विभागाने पावले उचलावीत अशी मागणी होत आहे. मोठ्या प्रमाणात वाढलेले बिबटे त्यामुळे नागरिकांमध्ये मोठ्या प्रमाणात भीतीचे वातावरण आहे.
दौंड वनपरिक्षेत्र अधिकारी यांच्या मार्गदर्शनाखाली बिबट्याच्या मादीला अखेर जेरबंद केले. सदर वन्य प्राण्यांची तपासणी करून त्यास नैसर्गिक अधिवासात सोडण्यात येणार असल्याचे वनविभागाकडून सांगण्यात आले.
पकडलेले बिबटे नेमके कुठे सोडतात याबाबत ग्रामस्थांमध्ये शंका कुशंका..?
दौंडया पश्चिम पट्ट्यात आजपर्यंत एक डझनच्या आसपास बिबटे पकडले आहे. मात्र सदर बिबटे नेमके कुठे कुठे सोडले आहे. याचा तपशील वन विभागाच्या अधिकाऱ्यांनी गावातील सरपंच, उपसरपंच (लोकप्रतिनिधी) यांच्यासह गावच्या पोलीस पाटलांना व्हिडिओस जागेच्या लोकेशन नुसार द्यावा. अशी मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.