केडगाव : दौंड- पुणे डेमू रेल्वेतील शौचालयामध्ये सोमवारी (ता. १६) सकाळी साडेआठच्या सुमारास आग लागली होती. एका व्यक्तीच्या (वय अंदाजे ५५) धूम्रपानामुळे आग लागल्याची शक्यता आहे..खुटबाव स्थानक सोडल्यानंतर इंजिनपासून तिसऱ्या डब्यातील शौचालयातून धूर येऊ लागला. यवत येईपर्यंत धूर वाढला. प्रवाशांनी शौचालयाचा दरवाजा उघडण्याचा प्रयत्न केला, मात्र दरवाजा आतून लावलेला होता. गाडी यवतला थांबल्यानंतर प्रवाशांनी शौचालयाच्या खिडकीची काच फोडून संबंधित व्यक्तीला बाहेर काढले. तो शौचालयात शर्ट व पँट काढून बसला होता. त्याच्या कपड्यांनी पेट घेतला होता. तो मनोरुग्ण वाटल्याचे प्रत्यक्षदर्शींनी सांगितले..स्थानकातील कर्मचाऱ्यांनी आग आटोक्यात आणली. धोका नसल्याने गाडी पुण्याकडे रवाना झाली. यामुळे प्रवाशांमध्ये भीतीचे वातावरण तयार होऊन डब्यात गोंधळ उडाला होता. दरम्यान, संबंधित व्यक्तीला दौंड लोहमार्ग पोलिसांच्या ताब्यात देण्यात आले होते. मात्र, तक्रार द्यायला कोणी आले नसल्याने त्यावर गुन्हा दाखल झाला नसल्याने त्याला सायंकाळी पुण्यात आणल्याचे सांगण्यात आले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
