कुठे आग लागो, की घरे-झोपड्यांत पुराचे पाणी शिरो... आम्ही बाह्या सरसावून पुढे

पुणे - कुठे आग लागो, की घरे-झोपड्यांत पुराचे पाणी शिरो... अग्निशामक दलाचे जवान बाह्या सरसावून पुढे होतात. अशा दुर्घटनांतील हानी टाळतानाच लोकांना जीवदान देण्याचे काम ही ब्रिगेड करते. लोकांना जीवदान देणाऱ्या या पठ्ठ्यांनी गेल्या दहा वर्षांत अडीच हजारांवर पक्षी आणि प्राण्यांना वाचवून भूतदयेचा अनोखा धडा पुणेकरांपुढे ठेवला आहे.

ताज्या बातम्यांसाठी डाऊनलोड करा ई-सकाळचे ऍप 

अशी सुरू होते मोहीम
अमूक एका ठिकाणी मांजा, वीजवाहिन्या, केबलमध्ये पक्षी अडकतो. कुठे ड्रेनेजच्या चेंबरमध्ये नाहीतर रस्त्यावरील खड्ड्यात एखादा प्राणी अडकून पडतो. कधी इमारतीच्या सजावर वा झाडाच्या शेंड्यावर अडकलेल्या एखाद्या मांजराचा सुटकेसाठी जिवाचा अंकात सुरू असतो. अग्निशामक दलाला १०१ क्रमांकावर याबाबत फोन येताच जवान लगेच तिकडे धाव घेऊन मोहीम फत्ते करतात. 

सकाळ चित्रकला स्पर्धा आज रंगणार

२६०५ दहा वर्षांत वाचविलेले पक्षी-प्राणी
१४ अग्निशामक दलाची केंद्रे
३९० जवानांची एकूण संख्या

आग विझविणे हीच आमची जबाबदारी; परंतु आमच्याकडे साहित्य असल्याने आम्ही मदतीसाठी जातो. यासाठी प्राणी मित्रांचीही मदत घेतो. सुखरूप सोडलेल्या प्राण्यांना कात्रज येथील अनाथालयात सोडले जाते.
- प्रशांत रणपिसे, प्रमुख, अग्निशामक दल