बाणेरमधील मायलेकींना आगीतून वाचवण्यासाठी धावला 'मारुती'

बाणेरमधील मायलेकींना आगीतून वाचवण्यासाठी धावला 'मारुती'

बालेवाडी : उन्हाळ्यांच्या महिन्यात ठिकठिकाणी आगी लागण्याच्या घटना सर्रास घडतात. यात मोठ्या प्रमाणावर जीवित तसेच वित्तहानी देखील होते. बाणेर येथील शिंदे - पारखे मळ्यात देखील एका छोट्या घरात आग लागल्याची घटना घडली होती. आपल्या शेजारच्या घरात आग लागल्याचे समजताच मारुती बनकर (वय 45)मदतीसाठी धावून गेले. त्या घरातील माय-लेकींना सुखरूप बाहेर काढले. तसेच दोन भरलेली सिलिंडरही बाहेर काढले. तेवढ्यात आगीचा भडका उडाला त्यामुळे मारुती बनकर चांगलेच भाजले असून सध्या पिंपळे गुरव येथील एका रुग्णालयात त्यांच्यावर उपचार सुरू आहेत. बाणेर येथील कपिल मल्हार सोसायटी जवळील शिंदे पारखे मळा या ठिकाणी (ता 30 एप्रिल) रोजी संध्याकाळी साडेसातच्या दरम्यान गंगा कुरवर (वय - 40) व त्यांची मुलगी श्रीदेवी (वय -14)(मूळ गाव - कर्नाटक) या दोघी घरात काम करत असताना गॅस वर तेल तापत ठेवले होते, तेल उकळले होते. त्यानंतर तेलाने अचानक पेट घेतला आणि घरात मोठी आग पसरली.

बाणेरमधील मायलेकींना आगीतून वाचवण्यासाठी धावला 'मारुती'
तळजाई टेकडीवर वनसंधारणाचे कार्य सुरू; पुणे वन विभागाने दिली माहिती

खोली लहान असल्यामुळे इतर सामानानेही लगोलग पेट घेतला. यावेळी मुलीने शेजारी राहणारे मारुती बनकर (वय- 45) यांना मदतीसाठी बोलावले. बनकर यांनी क्षणाचाही विचार न करता आधी माय-लेकींना घरातून बाहेर काढले, तसेच घरातील दोन सिलिंडरही बाहेर नेऊन ठेवले. आग विझवण्याच्या गडबडीमध्ये कोणीतरी आगीवर पाणी ओतले त्यामुळे आगीने रौद्ररूप धारण केले. त्यात बनकर हे पन्नास टक्के भाजले आहेत.

सध्या ते पिंपळे गुरव येथील एका रुग्णालयात उपचार घेत आहेत. बनकर हे कुरियर पोहचविण्याचे काम करतात तर त्यांची पत्नी सारिका एका महाविद्यालयात सेविकेचे काम करते. त्यांना दोन लहान मुले आहेत. त्यातच संपूर्ण कुटुंबाला पंधरा दिवसांपूर्वीच कोरोनाची लागण झाली असल्यामुळे दोघांना ही कामावर जाता आले नाही आणि आता हे संकट समोर उभे आहे. बनकर यांच्यावर सध्या रुग्णालयात उपचार सुरू असून डॉक्टरांच्या म्हणण्यानुसार महिनाभर तरी त्यांना रुग्णालयातच ठेवावे लागणार आहे. तसेच काही सर्जरीही कराव्या लागणार आहेत असे त्यांच्या पत्नी सारिका यांनी सांगितले. आधीच कोरोनाने रोजगार मिळाला नाही आणि आता हे मोठे संकट या कुटुंबास समोर उभे राहिले आहे, यातून मार्ग कसा काढायचा हा मोठा प्रश्न त्यांच्या समोर उभा आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com