भोर : तालुक्यातील रायरी येथील कोरोनाग्रस्त तरुणाच्या पत्नीला आणि दोन लहान मुलींनाही कोरोनाचा संसर्ग झाला आहे. त्यामुळे रायरीतील एकाच कुटुंबातील कोरोग्रस्तांची संख्या ४ झाली आहे. कोरोना झालेल्या एका मुलीचे वय अडीच वर्षे तर दुसरीचे वय ६ वर्षे आहे. अशी माहिती तालुका वैद्यकीय अधिकारी डॉ. सूर्यकांत क-हाळे यांनी दिली.
मुंबईहून १६ मे रोजी हे कुटुंब रायरीला आले होते. गावातील शाळेत त्यांना क्वारंटाईन करण्यात आले होते. संबंधीत तरुणास सर्दीचा त्रास सुरु झाल्यामुळे त्याची तपासणी केली असता २१ तारखेला तरुणाचा रिपोर्ट पॉझिटीव्ह आला. त्यानंतर प्रशासनाने रायरीतील १३ जणांना भोरमध्ये संस्था क्वारंटाईन करुन ७ जणांना तपासणीसाठी पाठविले होते. त्यापैकी रविवारी (ता.२४) ३ जणांचे रिपोर्ट पॉझिटीव्ह आले तर चार जणांचे रिपोर्ट येणे अद्याप बाकी आहे.
तालुका प्रशासनाने बाहेरून गावात आलेल्यांवर लक्ष केंद्रीत केले असून संशयीतांना भोरमधील कोविड केअर सेंटरमध्ये ठेवण्यात येत आहे. याशिवाय हिर्डोशी खो-यातील गावांमधून योग्य ती काळजी घेतली जात आहे. तालुक्यातील चार कोरोनाग्रस्त रुग्ण पूर्णपणे बरे होऊन घरी परतले आहेत. मात्र रायरीतील चार रुग्णांमुळे कोरोनाचा प्रसार जोरात सुरु झाला असल्याची चर्चा सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.