चौथा बिबट्या काळवाडीत जेरबंद

पिंपळवंडी, ता.२६ : काळवाडी (ता.जुन्नर) येथील काळेवस्ती शिवारातील शेतकरी सुरेश गेणभाऊ वामन यांच्या शेतात वनविभागाने लावलेल्या पिंजऱ्यात रविवारी (ता.२६) चौथा बिबट्या जेरबंद झाला. रुद्र फापाळे या आठ वर्षीय मुलाचा बिबट्याच्या हल्ल्यात मृत्यू झाला होता. त्या घराच्या जवळच हा बिबट जेरबंद करण्यात आलेला आहे. या घटने नंतर वनविभागाने या परिसरात पिंजरे लावले होते.
काळवाडी या ठिकाणी तीन बिबटे जेरबंद केले होते. आज पकडलेल्या बिबट हा चौथा बिबट असल्याचे वनविभागाने सांगितले. सदर बिबट तीन वर्षीय मादी असल्याचे वनविभागाचे वनपाल संतोष साळुंखे यांनी सांगितले.
काळवाडी, पिंपरी पेंढार व पिंपळवंडी या परिसरात मागील काही दिवसात एकूण नऊ बिबटे जेरबंद करण्यात आलेले आहेत. सदर बिबट्याला माणिकडोह येथील बिबट निवारा केंद्रात रेस्क्यू टीमचे सदस्य बाबाजी खर्गे, ऋषी गायकवाड, नगडवाडी रेस्क्यू टीमचे सदस्य यांनी नेले.
02058