'ॲग्रोवन- सेव्हन मंत्रा'च्या ताज्या भाज्या-फळे शनिवारीही घरपोच मिळणार

पुणे : वाढत्या कोरोना रुग्ण संख्येच्या पार्श्वभूमीवर नागरिकांच्या विशेष मागणी वरून 'ॲग्रोवन- सेव्हन मंत्रा'च्या वतीने येत्या शनिवारीही (ता. 25) भाजीपाला व फळे घरपोच दिली जाणार आहेत. पुणे आणि पिंपरी-चिंचवड या दोन्ही शहरांमध्ये 'ॲग्रोवन सेव्हन मंत्रा'च्या उपक्रमातून लाॅकडाउन मध्येही सुरक्षित आणि ताजा भाजीपाला लोकांपर्यंत पोहोचवण्यात आला. शेतातून भाजी आणि फळे तोडण्यापासून ग्राहकांच्या घरी तो पोहोचवण्यापर्यंत सर्व प्रकारची सुरक्षा घेण्यात येत असल्याने भाजीपाला व फळांना मोठी मागणी आहे.

VIDEO - पुण्यात हॉस्पिटलमध्ये बेडसाठी रस्त्यावर आंदोलन करण्याची वेळ

कोरोना रुग्णांची संख्या वाढत असल्याने भाजीपाला खरेदीसाठी बाहेर जाण्याचा धोका नको म्हणून नागरिकांनी आता शनिवारी ही भाजीपाला व फळे घरपोच पोहोचवण्याची मागणी केली आहे. त्यामुळे येत्या शनिवारी आणि रविवारीही डिलिव्हरी दिली जाणार आहे. त्यासाठी  www.sevenmantras.com  या वेबसाईटवर आगाऊ नोंदणी करता येणार आहे. श्रावण महिन्यात लागणाऱ्या ताज्या भाज्या व फळे पुरवण्यावर या उपक्रमात भर देण्यात आला आहे. या हंगामातील तसेच काही विदेशी फळे ही फळांच्या बास्केटमध्ये पुरवली जात आहेत.

  पोलिस काढणार रेखाचित्रातून आरोपींचा माग; पाच दिवसांच्या अभ्यासक्रमाची सुरुवात

राज्यात ठिकठिकाणी होणारा पाऊस आणि घटलेले उत्पन्न यामुळे भाजीपाला आणि फळांचे दर एका बाजूला वाढत असताना 'ॲग्रोवन सेवन मंत्रा'ने ग्राहकांना रास्त दरात दर्जेदार माल उपलब्ध करून देण्यावर भर दिला आहे.

 

"अॅग्रोवन सेव्हन मंत्राने घर बसल्या भाज्या उपलब्ध करून दिल्यामुळे या लाॅकडाऊनमध्ये खूप मदत झाली. सर्व ताजा भाजीपाला वेळेत घरी मिळत असल्याने मी आणि आमच्या सोसायटीतील इतर सदस्यही तो नियमित घेत आहोत."

-  मोनिका एरंडोले, चिंचवड.

 

"भाजीपाला आणि फळांचा दर्जा, पॅकिंग उत्तम आहे. सर्वात महत्त्वाचे कोरोनाचे वाढते प्रमाण असल्याने बाहेर जावे लागत नाही. सर्व काळजी घेतली जाते." 

- अपूर्वा देशमुख, सिंहगड रोड.