दारू पिण्यासाठी एकत्र बसल्यानंतर झालेल्या वादातून मित्रानेच केला मित्राचा खून | Sakal
sakal

बोलून बातमी शोधा

murder
दारू पिण्यासाठी एकत्र बसल्यानंतर झालेल्या वादातून मित्रानेच केला मित्राचा खून

दारू पिण्यासाठी एकत्र बसल्यानंतर झालेल्या वादातून मित्राने केला मित्राचा खून

पुणे : दारू पिण्यासाठी एकत्र बसल्यानंतर झालेल्या वादातून मित्रांचा खून (Murder)करून पसार झालेल्या एकाला बिबवेवाडी पोलिसांनी (Bibwewadi Police Station)अटक केली आहे. बिबवेवाडीतील महेश सोसायटी चौकातील राजीव गांधी कॉम्प्लेक्सच्या पार्किंगमध्ये हा खून झाला होता.

हेही वाचा: कोरोना 20 मिनिटांनंतर होतो 90% ने कमी संसर्गजन्य; संशोधनातून आलं समोर

दत्तात्रेय चंद्रकांत सकट (रा. अप्पर इंदिरानगर, बिबवेवाडी) असे अटक करण्यात आलेल्याचे नाव आहे. खून झालेल्या तरुणाच्या डोक्यात कशाने तरी मारहाण करून खून करण्यात आल्याचा प्रकार उघडकीस आला. तपासात हा मृतदेह आड्या ऊर्फ विशाल भीमराव ओव्हाळ (वय २६, रा. पद्मावती) याचा असल्याचे निष्पन्न झाले होते. याबाबत मंगळवारी (ता. ११) रात्री उशिरा खुनाचा गुन्हा दाखल करण्यात आला. या बाबत विशालचे चुलते गणेश ओव्हाळ (४६, रा. धनकवडी) यांनी फिर्याद दिली आहे.(Pune Crime News)

हेही वाचा: ओमिक्रॉनचा भारतात एक बळी,जगात किती? आरोग्य मंत्रालयानं केलं स्पष्ट

तांत्रिक विश्लेषावरून बिबवेवाडी पोलिस ठाण्याच्या पथकाने माहिती घेतली असता हा खून त्याच्या जवळचा मित्र चंद्रकांत याने केल्याचे निष्पन्न झाले. पोलिसांनी शोध घेतला असता तो इंदिरानगर परिसरात लपून बसल्याचे निष्पन्न झाले. तेथून त्याला ताब्यात घेऊन अटक करण्यात आली. त्याच्याकडे अधिक चौकशी केली असता त्यानेच हा खून केल्याचे तपासात सांगितले. दारू पिण्यास एकत्र बसले असताना यावेळी झालेल्या वादातून हा खून केल्याचे त्याने सांगितले. खूनाचा अधिक तपास पोलिस निरीक्षक (गुन्हे) अनिता हिवरकर करीत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top