'एफटीआयआय'च्या ग्रंथालयाचं नामकरण; आता 'या' नावाने ओळखले जाणार

fti.jpg
fti.jpg

पुणे : भारतीय चित्रपट आणि दूरचित्रवाणी संस्थेतील (एफटीआयआय) ग्रंथालय आता "गजानन जागीरदार ग्रंथालय' म्हणून ओळखले जाणार आहे. मराठी आणि हिंदी चित्रपट दिग्दर्शक अभिनेते आणि संस्थेचे पहिले संचालक असणाऱ्या जागीरदार यांच्या स्मरणार्थ हे नामकरण करण्यात येत आहे. 

"एफटीआयआय'मधील ग्रंथालय हे चित्रपट आणि दूरचित्रवाणी क्षेत्रातील संदर्भ साहित्याचा खजिना म्हणून ओळखले जाते. ग्रंथालयात या क्षेत्राशी संबंधित जवळपास 30 हजारांहून अधिक पुस्तके आणि चार हजारांहून अधिक ध्वनी आणि ध्वनिचित्रफीत अशी विस्तृत संपदेचा संग्रह आहे. त्याशिवाय अनेक दुर्मिळ मासिके, पुस्तकांचा ठेवा ग्रंथालयात जपलेला आहे. जगभरात 1930मध्ये प्रकाशित झालेली दुर्मिळ मासिकांचा या ग्रंथालयात संग्रह करण्यात आल्याची माहिती संस्थेचे संचालक भूपेंद्र कैंथोला यांनी दिली. 

जागीरदार यांचा येत्या गुरुवारी (ता.13) स्मृतिदिन असून, त्यांचे औचित्य साधून ग्रंथालयाचे अधिकृत नामकरण करण्यात येणार आहे. यावेळी जागीरदार यांचे सुपुत्र अशोक जागीरदार, ज्येष्ठ अभिनेते डॉ. मोहन आगाशे, दिग्दर्शक सतीश आळेकर, संस्थेचे संचालक भूपेंद्र कैंथोला, संस्थेच्या दूरचित्रवाणी विभागाचे अधिष्ठाता आर. एन. पाठक, फिल्म्स विभागाचे अधिष्ठाता धीरज मेश्राम अन्य मान्यवर यावेळी उपस्थित राहणार आहेत. 

जागीरदार यांचा जन्म अमरावती येथे 2 एप्रिल 1907 मध्ये जन्म झाला होता. ते संस्थेचे पहिले प्राचार्य (प्रशासकीय प्रमुख) होते. सध्या संस्थेचे संचालक म्हणून असणारे पद हे त्याकाळी प्राचार्य म्हणून होते. जागीरदार यांनी प्रभात फिल्म कंपनीसमवेत सहाय्यक दिग्दर्शक म्हणून सुरवात केली. "रामशास्त्री' चित्रपटातील त्यांची "रामशास्त्री' ही भूमिका त्याकाळात विशेष गाजली. शेजारी, महात्मा, छोटा जवान, गाइड, हम दोनो, अपराधी कौन, इक्तफाक या चित्रपटातील त्यांच्या भूमिका विशेष गाजल्या आहेत. संस्थेतील ग्रंथालयाचे नामकरण त्यांच्या स्मृतिदिनी होणार असल्याचे कैंथोला यांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited by : Sagar Diliprao Shelar)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com