Gas Line Leakage : बालेवाडी येथे गॅस वाहिनी फुटल्याने आग

बालेवाडी - येथील एस. के. पी. कॅम्पस समोर एमएनजीएलची वाहिनी फुटली. व मोठया प्रमाणात आगीचे लोळ उठू लागले. अग्निशमन दलाच्या जवानांकडून तत्काळ ही आग विजवण्यात आली. कोणतीही जीवित हानी नाही.

बालेवाडी येथे सध्या हिंजवडी शिवाजीनगर मेट्रोचे काम सुरु असुन, याभागातील एस.के.पी. कॅम्पस समोर मेट्रोच्या कामासाठी जेसीबीच्या साह्याने खड्डा खोदत असताना एमएनजीएल गॅस वाहिनीला धक्का लागल्याने गॅस लिकेज होऊन आग लागली. माहिती मिळताच पाषाण अग्निशमन केंद्राच्या जवानांनी वेळीच घटनास्थळी पोहचून आग पूर्णपणे विझवली. घटनास्थळी एमएमजीएल कंपनीचे अधिकारी कर्मचारी उपस्थित होते.

सदर आगीच्या वर्दीवर पाषाण केंद्राचे अग्निशमन अधिकारी शिवाजी मेमाणे, वाहन चालक युवराज जाधव, फायरमन जवान बाळराज संगम, रोहित पुष्पराज, बाळासाहेब कारंडे, मदतनीस जवान सिद्धार्थ जोगदंड, अनिकेत जोगदंड, रोहिदास चौधरी यांनी काम केले.