गॅस सिलेंडरमधील गॅस काढून त्याची छोट्या टाक्‍यांद्वारे अवैधरीत्या विक्री 

Gas is sold by extracting gas from cylinder and selling it in small amounts
Gas is sold by extracting gas from cylinder and selling it in small amounts

पुणे : व्यावसायिक व घरगुती गॅस हा सिलेंडरमधून काढून तो अवैधरीत्या छोट्या टाक्‍यांमध्ये भरून त्याची विक्री होत असल्याचा धक्कादायक प्रकार उघडकीस आला आहे. याप्रकरणी हडपसर पोलिसांनी एकास अटक केली आहे. पोलिसांनी आरोपीकडून 76 हजार रुपयांचा मुद्देमाल जप्त केला आहे. 

प्रदीप गुंडु धुमाळे (वय 32, रा. कुमार सोसायटी, फुरसुंगी) असे अटक केलेल्या आरोपीचे नाव आहे. त्याच्याविरुद्ध जीवनावश्‍यक वस्तु अधिनीयमाद्वारे गुन्हा दाखल करण्यात आला आहे. याप्रकरणी पोलिस हवालदार एस. के. जोशी यांनी फिर्याद दिली आहे.

कोण आहेत न्या. मुरलीधर? ज्यांची रातोरात बदली झाली?

पोलिसांनी दिलेल्या माहितीनुसार, सोमवारी रात्री साडे दहा वाजण्याच्या सुमारास फुरसुंगी येथील देशमुख मळा येथील नवीन कॅनॉलजवळ रात्री साडे दहा वाजण्याच्या सुमारास एक व्यक्ती हा व्यावसायिक व घरगुती कारणांसाठी वापरला जाणारा एचपी कंपनीच्या गॅस सिलेंडरमधील गॅस अवैधरीत्या काढून तो छोट्या टाक्‍यांमध्ये भरत असल्याची खबर पोलिसांना मिळाली. त्यानुसार, पोलिसांनी घटनास्थळी छापा घातला. त्यावेळी पोलिसांना तेथे एचपी कंपनीचे 19 किलो वजनाच्या 26 मोकळ्या टाक्‍या, चार किलोच्या 26 मोकळ्या टाक्‍या, रिलॅक्‍स कंपनीचे 15 किलो वजनाच्या नऊ मोकळ्या टाक्‍या, एक फिलर व एक इलेक्‍ट्रॉनिक वजनकाटा असा 76 हजार रुपये किंमतीचा मुद्देमाल पोलिसांनी जप्त केला. धुमाळे हा अवैधरीत्या गॅस सिलेंडरमधून काढून तो अन्य गॅस कंपनीला विकत असल्याचे निदर्शनास आल्यानंतर पोलिसांनी त्यास अटक केली. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com