Pune Crime News: महिलेच्या अंगावर रॉकेल टाकून पेटवून देण्याचा प्रयत्न

घोरपडी (Pune Crime News)- बलात्काराची केस मागे घ्यावी, यासाठी महिलेला धमकावुन तिच्या अंगावर रॉकेल टाकून पेटवून देण्याचा धक्कादायक प्रकार घडला आहे. हा प्रकार मुंढव्यातील भीमनगरमध्ये बुधवारी सकाळी साडेअकरा वाजता घडला.

याप्रकरणी मुंढवा पोलिसांनी रमजान खलील पटेल (वय ६०, रा. भिमनगर, मुंढवा) याच्यावर खूनाचा प्रयत्न केल्याचा गुन्हा दाखल केला आहे. याविषयी भीमनगर येथील एका ३८ वर्षाच्या महिलेने मुंढवा पोलीस ठाण्यात फिर्याद दिली आहे.

बुधवारी दुपारच्या सुमारास आरोपीने महिलेला तू दाखल केलेली बलात्काराची तक्रार पाठीमागे घे म्हणत पिढी तिच्या अंगावर रॉकेल टाकून पेटवून देण्याचा केला प्रयत्न केला.

ही तक्रार मागे घेण्यासाठी आरोपी पीडित महिलेच्या गेल्या अनेक दिवसापासून तगादा लावला होता.

याबाबत पोलिसांनी दिलेल्या माहितीनुसार, फिर्यादी महिला पतीपासून विभक्त रहात आहे. तो फिर्यादी यांना बार्शीला घेऊन गेला व तेथे त्याने फिर्यादी यांच्यावर बलात्कार केला.

त्याबाबत त्यांनी २०१८ मध्ये पांगरी पोलीस ठाण्यात फिर्यादी दिली आहे. त्याची येत्या २३ जानेवारीला तारीख आहे. त्यावरून त्यांच्यात वाद झाला त्यातून हा प्रकार घडला आहे.

यासंदर्भात अधिक तपास मुंढवा पोलीस करत आहे.