पुणे - शिकवणी संपवून मैत्रिणीसमवेत दुचाकीवरून घरी निघालेल्या एका १४ वर्षीय शाळकरी मुलीला भरधाव मोटारीने धडक दिल्याने मृत्यू झाला. हा अपघात अहिल्यानगर-पुणे रस्त्यावरील माऊली बाल आश्रमाजवळ झाला..अनन्या दादाभाऊ गावडे (वय-१४, रा. वाडेबोल्हाई, खुटाळे वस्ती, ता. हवेली) असे अपघातात मृत्युमुखी पडलेल्या मुलीचे नाव आहे. याप्रकरणी तिचे वडील अनिल दादाभाऊ गावडे (वय ४०) यांनी लोणीकंद पोलिस ठाण्यात फिर्याद दिली आहे. त्यांच्या तक्रारीवरून पोलिसांनी अज्ञात मोटारचालकाविरुद्ध गुन्हा दाखल केला आहे..पोलिसांनी दिलेल्या माहितीनुसार, अनन्या आणि तिची मैत्रीण बुधवारी दुपारी साडेबाराच्या सुमारास शिकवणी सुटल्यानंतर दुचाकीवरून घरी जाण्यास निघाल्या. अहिल्यानगर रस्त्यावरील माऊली बाल आश्रमाच्या परिसरात आल्या असता, भरधाव मोटारीने समोरून त्यांच्या दुचाकीला धडक दिली. या अपघातात अनन्याच्या डोक्याला गंभीर दुखापत झाली..स्थानिक नागरिकांनी तिला रुग्णालयात उपचारासाठी दाखल केले. मात्र, तिची प्राणज्योत मालवली. या घटनेची माहिती मिळताच लोणीकंद पोलिसांनी अपघातस्थळी धाव घेतली. या परिसरातील सीसीटीव्ही चित्रीकरणाच्या आधारे पसार झालेल्या मोटारचालकाचा शोध घेण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
