पुणे - ‘नीट’ परीक्षेचा निकाल जाहीर झाल्यानंतर हडपसर भागातील महंमदवाडी येथे एका १८ वर्षीय विद्यार्थिनीने गळफास घेऊन जीवन संपविल्याची घटना घडली. अनुष्का आशिष चौगुले (रा. सॅफ्रॉन हिल सोसायटी, महंमदवाडी) असे मृत विद्यार्थिनीचे नाव आहे..या प्रकरणी काळेपडळ पोलिस ठाण्यात अकस्मात मृत्यूची नोंद करण्यात आली आहे. पोलिसांनी दिलेल्या माहितीनुसार, गुरुवारी सायंकाळी ‘नीट’ परीक्षेचा निकाल जाहीर झाला. शुक्रवारी (ता. १७) सकाळी अनुष्काचे वडील कामावर आणि लहान भाऊ शाळेत गेला होता. आई घरातील कामे करत असताना अनुष्काने खोलीचा दरवाजा आतून बंद करून घेतला. तिने प्रतिसाद न दिल्याने आईने दुसऱ्या चावीने दरवाजा उघडला असता हा प्रकार उघडकीस आला..अनुष्काने निकाल पाहिल्यानंतरच हे टोकाचे पाऊल उचलल्याची शक्यता पोलिसांनी व्यक्त केली. वरिष्ठ पोलिस निरीक्षक गिरीषा निंबाळकर यांनी घटनास्थळाची पाहणी केली. अनुष्काकडे स्वत:चा मोबाईल नव्हता, तसेच तिने कोणतीही चिठ्ठी लिहिलेली नाही. त्यामुळे आत्महत्येचे निश्चित कारण अद्याप समजू शकलेले नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
