पर्यटक पुणेकरांसाठी खूशखबर; पुणे-सिंगापूर विमानसेवा लवकरच होणार सुरु

पुणे : परदेश प्रवासाची आवड असलेले पुणेकर प्रवासी तसेच पर्यटकांसाठी खूशखबर आहे. कारण पुणे-सिंगापूर विमानसेवा येत्या २ ऑक्टोबरपासून सुरु होत आहे. या विमानसेवेचा प्रस्ताव काही दिवसांपूर्वी केंद्र सरकारकडे प्राप्त झाला होता. (Good news for Punekar tourists Pune Singapore flight will start soon)

एअर विस्तारा या विमान कंपनीकडून ही सेवा सुरु करण्यात आली असून आठवड्यातून ४ वेळा ही विशेष सेवा सुरू राहील. पुणे-सिंगापूर तसेच सिंगापूर-पुणे विमान सेवा सोमवार, बुधवार, शुक्रवार, रविवार या दिवशी सुरू असेल.

पुणे-सिंगापूर विमानसेवेचा प्रस्ताव काही दिवसांपूर्वी केंद्र सरकारकडे प्राप्त झाला होता. त्यानुसार पुणे ते सिंगापूर विमानसेवा लवकरच सुरु करण्यात येईल, असे आश्वासन केंद्रीय विमान वाहतूक मंत्री ज्योतिरादित्य शिंदे यांनी दिले होते.