माले - मुळशी तालुक्यातील पिंपरी (ता. मुळशी) अंधारबन, कुंडलिका व्हॅली ही दोनही पर्यटन स्थळे पर्यटकांसाठी शनिवार (ता. ९) पासून मर्यादीत संख्येसह खुली करण्यात येणार आहेत. पर्यटकांनी येताना ऑनलाईन पुर्व नोंदणी करणे बंधनकारक करण्यात आले आहे..यासाठी अधिकृत संकेतस्थळ विकसीत करण्यात आले आहे. पुर्व नोंदणी न करता येणा-या पर्यटकांना प्रवेश नाकारण्यात येणार आहे. प्लास्टिक प्रदुषण टाळणे, गाईड सोबत घेणे आदी अटींसह प्रवेश खुला करण्यात आला आहे.सुरक्षित व कौटुंबिक पावसाळी पर्यटनासाठी प्रसिध्द असलेला अंधारबन जंगल ट्रेक, कुंडलिका ही पर्यटनस्थळे जुलै महिन्यात पर्यटकांच्या अनियंत्रीत संख्येमुळे सुरक्षिततेच्या कारणास्तव बंद ठेवली होती..दरम्यानच्या काळात वनविभागाने सुरक्षिततेसाठी पाहणी केली, पर्यटकांची संख्या मर्यादीत ठेवण्यासाठी नवीन उपाय केले. आता दोनही पर्यटन स्थळी खुली होणार असल्याने पर्यटकांमध्ये आनंदाचे वातावरण आहे. पर्यटक, स्थानिक ग्रामस्थ यांनी वनविभागाचे निर्णयाचे स्वागत केले.मनोहर दिवेकर, सहायक वनसंरक्षक फणसाड यांनी माहिती दिली की, 'अंधारबन, कुंडलिका व्हॅली ही पर्यटनस्थळे सुधागड वन्यजीव अभयारण्यात आहेत. येथे फक्त ऑनलाईन बुकींग केलेल्यांनाच प्रवेश देण्यात येणार आहे. बुकिंग न करता येणा-यांना प्रवेश देण्यात येणार नाही. एका दिवसात सतराशे पर्यटकांना प्रवेश देण्यात येणार आहे..पर्यटकांनी प्लास्टिकच्या युज अॅन्ड थ्रो पाण्याच्या बाटल्या, कचरा-प्रदुषण होईल अशा प्लास्टिकच्या वस्तू आणू नये. खाद्य पदार्थाची वेष्टने टाळावीत. पर्यटकांच्या नियंत्रीत संख्येमुळे अचानक गर्दी होणारी गर्दी टळून पर्यटकांना निसर्गाचा आनंद घेता येईल. कर्मचारी, गाईड यांचे योग्य नियोजन करण्यात आले आहे. पर्यटकांनी सायंकाळी साडेचार वाजता अभयारण्यातून बाहेर पडावे.'.शुक्रवार (ता.८) सकाळी १० वाजल्यापासून booking.andharban.org या संकेतस्थळावर नोंदणी सुरु होणार आहे.या संकेत स्थळावर जाऊन रजिस्ट्रेशन करताना पसंतीचा दिवस निवडावा.आधारकार्ड, पॅनकार्ड पैकी वैध ओळखपत्र अपलोड करावे.ऑनलाईन पेमेंट पुर्ण करावे.पेमेंट झाल्यानंतर QR कोड असलेली पावती व्हॉटस अॅप, ईमेलवर मिळेल.पर्यटकांनी QR कोड असलेली पावती पर्यटनस्थळांच्या प्रवेशद्वारावर दाखवल्यावर प्रवेश मिळेल.एक गठठा, ग्रुप बुकींग नाही.प्रत्येक पर्यटकाचे स्वतंत्र बुकींग करणे गरजेचे आहे . एकाच वेळी दहा, वीस, पन्नास पर्यटकांचे एकगठठा, ग्रुप बुकींग तसेच पेमेंट होणार नाही. तर ग्रुपमधील प्रत्येकाची स्वतंत्र वैयक्तिक माहिती भरुन पुर्व नोंदणी करावी लागणार आहे. .भेट देण्याची वेळ व नियमपहाटे सहा ते सकाळी ११.३० वा पर्यंत पर्यटकांना प्रवेश देण्यात येईल.सकाळी ११.३० नंतर येणा-या पर्यटकांना प्रवेश बंद देण्यात येणार नाही.दुपारी ४.३० पर्यंत सर्व पर्यटकांनी अंधारबनातून बाहेर पडणे अनिवार्य राहिल.दर सोमवारी अंधारबन, कुंडलिका व्हॅली पर्यटनासाठी पुर्णपणे बंद राहतील. .गाईडची सेवा बंधनकारकदाट धुके, अचानक बदलणारे वातावरण, पावसाचे जोरदार प्रमाण, काही ठिकाणी घ्यावयाची खबरदारी, सुरक्षिततेचे नियमांचे काटेकोरपणे पालन यासाठी पर्यटकांनी नोंदणीकृत गाईडची सेवा घेणे बंधनकारक करण्यात आले आहे.हे गाईड स्थानिक असून भौगोलिक परिस्थितीची माहिती असल्याने पर्यटकांना फिरताना निसर्गाचा आनंद घेणे, प्रसिध्द पॉईंटस, धोकादायक ठिकाणे व कृती टाळणे तसेच तातडीच्या प्रसंगी मदत यासाठी गाईड उपयुक्त ठरणार आहेत. .प्लास्टिक प्रदुषण टाळण्यासाठी शुल्कपर्यटक मोठया प्रमाणात प्लास्टिक बॉटल, इतर वस्तु बाळगतात. काही पर्यटक त्यांचा वापर झाल्यांनतर परिसरातच फेकून देतात. हे टाळण्यासाठी अंधारबनात प्रवेश करताना प्रवेशद्वारावर पर्यटकांकडून प्लास्टिकच्या प्रत्येक वस्तुसाठी ५० रु. डिपॉझीट स्वरुपात जमा करुन घेतले जातील. ट्रेक पुर्ण झाल्यानंतर प्लास्टिक वस्तु परत दाखवल्यानंतर जमा करुन घेतलेले पैसे परत केले जातील.संपर्कासाठी - सागर भोसले, वनपाल, पिंपरी मो.९२८४४६१०४२..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
