पुणे - नवले पुलावरील भीषण अपघाताच्या पार्श्वभूमीवर या परिसरातील अपघातांची मूळ कारणे शोधून त्यावर केंद्र आणि राज्य सरकारने तातडीने प्रभावी, शाश्वत उपाययोजना कराव्यात, अशी मागणी विधान परिषदेच्या उपसभापती डॉ. नीलम गोऱ्हे यांनी शुक्रवारी (ता. १४) केली. .डॉ. गोऱ्हे यांनी केंद्रीय रस्ते वाहतूक मंत्री नितीन गडकरी, मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार यांना निवेदन देत आवश्यक उपाययोजना तातडीने राबवण्याची मागणी केली. डॉ. गोऱ्हे म्हणाल्या, नवले पूल परिसर धोकादायक ‘ब्लॅक स्पॉट’ म्हणून ओळखला जात आहे..अभियांत्रिकी त्रुटी, प्रचंड उतार, वेग नियंत्रणाचा अभाव यामुळे या ठिकाणी अपघातांची मालिका सुरूच आहे. या भागातील अभियांत्रिकी चुका, वेग नियंत्रणातील त्रुटी आणि तपासणी यंत्रणेतील उणिवा अधिक स्पष्टपणे समोर येत आहेत. केंद्र व राज्य सरकारने या ‘क्रिटिकल ब्लॅक स्पॉट’वर त्वरित हस्तक्षेप करणे अत्यावश्यक आहे..अपघातांची आकडेवारी सार्वजनिक करावी -सरकारने उच्चस्तरीय वाहतूक समिती स्थापन करून ‘नवले कॉरिडॉर सेफ्टी ऑडिट’ ३० दिवसांत प्रसिद्ध करावा. मागील पाच वर्षांतील अधिकृत अपघातांची आकडेवारी सार्वजनिक करावी, अशीही त्यांनी मागणी केली. महामार्गावर २४ बाय ७ आपत्कालीन प्रतिसाद स्टेशन, अग्निशामक दल, रुग्णवाहिका, रेस्क्यू टीम तैनात करण्याची गरज आहे. ‘गोल्डन अवर’ प्रोटोकॉलसाठी ससून, महापालिका, आरोग्य विभाग आणि महामार्ग नियंत्रण कक्ष यांच्यात प्रभावी समन्वय आवश्यक असल्याचेही त्यांनी सांगितले..जखमींच्या उपचारांसाठी पाठपुरावा -डॉ. गोऱ्हे यांनी जखमींवर सुरू असलेल्या उपचारांची माहिती घेतली. रुग्णालयांच्या वैद्यकीय पथकाने केलेल्या तत्पर सेवांचे त्यांनी कौतुक केले. जखमी रुग्णाच्या उपचारांसाठी सरकारी पातळीवर पाठपुरावा केला जाईल, असेही त्यांनी नमूद केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
