डोर्लेवाडी :गुणवडी (ता.बारामती) येथील ग्रामपंचायतीच्या अत्यंत अटीतटीच्या झालेल्या निवडणुकीत जय भवानी परिवर्तन पॅनलने सत्ताधारी भवानीमाता विकास पॅनलचा मोठ्या फरकाने पराभव करून दणदणीत विजय मिळविला. प्राची रविंद्र घोडे घोडे यांची सरपंचपदी निवड झाली असून १७ पैकी १० जागा जिंकत सत्ता खेचून आणली.सत्ताधारी भवानीमाता पॅनलला ७ जागेवर समाधान मानावे लागले.
येथील निवडणुक अत्यंत चुरशीची झाली होती.सत्ताधारी भवानीमाता पॅनलने मागील पाच वर्षाच्या काळात केलेल्या विकासाच्या मुद्यावर प्रचार केला होता.तर विरोधी असलेल्या जय भवानी परिवर्तन पॅनलने सत्ताधारी यांनी ५ वर्षाच्या कार्यकाळात केलेली निकृष्ट कामे,भ्रष्टाचार,अपूर्ण विकासकामे आदी मुद्यांवर प्रचाराची राळ उठवून दिली होती.
त्याचा फायदा मतांमध्ये झालेला दिसला.प्राची रविंद्र घोडे यांनी सत्ताधारी भवानीमाता विकास पॅनलच्या सरपंचपदाच्या उमेदवार ज्योती संतोष भिसे यांचा पराभव करून विजयाची माळ आपल्या घाल्यात घातली.सत्ताधारी पॅनलचे प्रमुख व माजी सरपंच सतपाल महादेव गावडे हे सदस्यपदी निवडून आले मात्र त्यांना सत्ता राखण्यात अपयश आले.त्यांच्या पॅनलचे केवळ ७ उमेदवार निवडून आले.
राजेंद्र गावडे, भारत नाना गावडे, ऍड गुलाबराव गावडे, भारत पाटील गावडे, वैजनाथ गावडे, संजय फाळके, चंद्रकांत बांदल यांच्या नेतृत्वाखाली जय भवानी परिवर्तन पॅनलचे विजयी उमेदवार-विशाल तुकाराम गावडे,नीलम राजेंद्र शिंदे,नवनाथ गोविंदराव गावडे,लक्ष्मण शहाजी भोसले,सायली शेखर पिसाळ,शैला मालाजी गावडे,ऋषिकेश संजय फाळके,करिष्मा सुयश गावडे,सुवर्णा सचिन घाडगे,अभिजीत दिवाणजी कांबळे हे विजयी झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
