Pune Dowry Case IT Engineer Dies by Suicide Four Months After Marriage Amid Alleged Five Lakh Rupee Car Demand
esakal
-कृष्णकांत कोबल
हडपसर : चारचाकी गाडी घेण्यासाठी माहेरकडून पाच लाख रुपये आणावेत, अशी मागणी करीत छळ केल्याने अवघे चार महिन्यापूर्वी लग्न झालेल्या आयटी इंजिनियर विवाहितेने राहत्या घरी पंख्याला गळफास घेऊन आत्महत्या केली आहे. गुरुवारी (ता.२४) रात्री ही घटना घडली. वैष्णवी ओंकार गिसरे (वय २३, रा. वृंदावन सोसायटी, वडाचीवाडी, पुणे) असे या महिलेचे नाव असून तिचे वडील प्रवीण रघुनाथ जरांडे (वय ५१, या. कोडीत खुर्द, ता. पुरंदर, जि. पुणे) यांनी काळेपडळ पोलीस ठाण्यात तिचे पती व सासू-सासर्यांच्या विरोधात फिर्याद दिली आहे.
