उरुळी कांचन - राहत्या घरात अर्धनग्न अवस्थेत मृतदेह आढळल्याची घटना लोणी काळभोर (ता.हवेली) ग्रामपंचायत हद्दीतील माळी मळा परिसरात बुधवारी (ता. २७) दुपारी एक वाजण्याच्या सुमारास उघडकीस आली आहे. या घटनेमुळे परिसरात एकच खळबळ उडाली आहे..अशोक डुंभडे (वय ५०) असे मृत्यू झालेल्या व्यक्तीचे नाव असून याबाबत भेटायला आलेल्या नातेवाईकांनी लोणी काळभोर पोलिसांना माहिती दिली आहे.प्राथमिक माहितीनुसार, विकी शेंडकर यांची लोणी काळभोर परिसरातील माळी मळा मारुती मंदिराजवळ एक इमारत आहे. शेंडकर यांनी हॉटेलमध्ये काम करणाऱ्या एका व्यक्तीला भाडेतत्त्वावर खोली भाड्याने दिली होती. शेंडकर यांच्या भाडेकरूकडे त्याचे नातेवाईक अशोक डुंभडे हे आले होते. नातेवाईक घरी आले आहेत म्हणून शेंडकर यांचे भाडेकरू तीन दिवसांपासून कामानिमित्त बाहेर गावी गेले होते..दरम्यान, दोन दिवस झाले तरी घराचा दरवाजा उघडला नाही. आवाज दिला तरी कोणीही प्रतिसाद दिला नाही. म्हणून शेंडकर यांनी या घटनेची माहिती लोणी काळभोर पोलिसांना दिली.या घटनेची माहिती मिळताच, लोणी काळभोर पोलीस ठाण्याचे सहाय्यक पोलीस निरीक्षक सोमनाथ नाळे, सहाय्यक फौजदार विनोद कांबळे, पोलिस हवालदार तेजस जगदाळे, हणमंत शिंगाडे व त्यांचे सहकारी तातडीने घटनास्थळी दाखल झाले. आणि नागरिकांच्या मदतीने घराचा दरवाजा तोडला असता, अशोक डुंभडे यांचा अर्धनग्न अवस्थेत मृतदेह आढळून आला. पुढील तपास लोणी काळभोर पोलिस करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
