आंबा प्रेमींसाठी गोड बातमी; पुणे मार्केट यार्डात हापूसची एन्ट्री!

Hapus-Pune-Market
Hapus-Pune-Market

Hapus Mango: मार्केट यार्ड (पुणे) : आंबा हे सर्वांच्याच आवडीचे फळ आहे. त्यामुळे आंब्याच्या आगमनाची सर्वांनाच उत्सुकता असते. ही उत्सुकता लवकरच संपणार आहे. कारण पुणे मार्केटयार्डमध्ये हापूसने (Alphonso) एन्ट्री घेतली आहे. सध्या अधूनमधून बाजारात हापूसची आवक होत आहे. मंगळवारी मार्केट यार्डातील फळ विभागात हापूसच्या 15 पेट्यांची आवक झाली.

रत्नागिरी येथून व्यापारी अरविंद मोरे यांच्या गाळ्यावर आलेल्या पेटीची खरेदी व्यापारी युवराज काची यांनी केली. सहा डझनाच्या पेटीला 11 हजार 111 रूपये दर मिळाला. आतापर्यंत हवामानाचा कोणताच परिणाम झालेला नाही. त्यामुळे यंदा हापूसचा हंगाम चांगला होणार असल्याचे शेतकरी-व्यापाऱ्यांकडून सांगितले जात आहे.

याबाबत अरविंद मोरे म्हणाले, दरवर्षी सुमारे फेबु्रवारच्या शेवटच्या आठवड्यात हापूसची आवक वाढण्यास सुरूवात होते. 15 जूनपर्यंत हापूसचा हंगाम सुरू असतो. एप्रिल आणि मे महिन्यात 10 हजार पेट्यांपर्यंत हापूसची आवक होत असते. प्रतवारीनुसार त्यास दर मिळत असतो. यंदा कोकणातील झाडांना फळधारणा चांगली आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com