जुन्नर (पुणे) : कोविड विषयक माहिती देत नसल्याच्या कारणावरून जुन्नरचे तहसीलदार हणमंत कोळेकर यांनी जुन्नर तालुका पंचायत समितीचे आरोग्य अधिकारी उमेश गोडे यांना शुक्रवारी (ता. १७) लेखी नोटीस बजावली आहे. त्यामुळे आरोग्य व महसूल विभागात समन्वय नसल्याची बाब पुढे आली असून, आरोग्य विभागाचा कारभार चव्हाट्यावर आला असल्याची चर्चा होत आहे.
कोविडसंबंधी माहितीचे संकलन आरोग्य विभागामार्फत केले जाते. जिल्हाधिकारी, उपविभागीय अधिकारी व जिल्हा परिषद यांना विहित नमुन्यातील माहिती तहसीलदार यांना सादर करावी लागते. मात्र, ही अद्यावत माहिती सादर न केल्याने ती वरिष्ठांना कळविता येत नसल्याचे त्यांनी नोटीसमध्ये नमूद केले आहे. आरोग्य कर्मचाऱ्यांना अद्यावत व अचूक माहितीसाठी अनेकदा फोन करावे लागतात. अनेकदा केलेले फोन घेतले जात नाहीत, अथवा फोन बंद ठेवले जात असल्याने तहसीलदारांना माहिती देता येत नाही. तालुका आरोग्य अधिकारी देखील फोन केल्यानंतर माहिती देण्यासाठी टाळाटाळ करत असल्याचे दिसून आले आहे.
कोरोना संशयित रुग्णांचे स्वॅब तपासणी अहवाल एनआयव्ही पुणे यांच्याकडून आल्यानंतर तालुक्यातील नागरिकांना, वैद्यकीय अधिकाऱ्यांना व प्रसार माध्यमांना अगोदर समजतात, पण तहसीलदारांना मात्र याची माहिती दिली जात नाही. याबाबतीत सुधारणा न झाल्यास वरिष्ठांना अहवाल पाठविण्यात येईल, असा इशारा या पत्रात देण्यात आला आहे. जिल्हाधिकारी व उपविभागीय अधिकाऱ्यांना प्रत पाठविण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.