इंटरनेटच्या व्यसनामुळे समस्या

Internet
Internet

पुणे - ‘आजचे तरुण सोशल मीडियाच्या आहारी गेल्यामुळे त्यांच्या शारीरिक आणि मानसिक आरोग्याच्या समस्या निर्माण होत आहेत. त्यांना इंटरनेटच्या व्यसनापासून मुक्त करण्यासाठी पालकांची मार्गदर्शन व भूमिका महत्त्वाची आहे,’’ असे सूर तेजज्ञान फाउंडेशनच्या वतीने आयोजित ‘इंटरनेट अभिशाप की वरदान’ या विषयावरील परिसंवादात उमटला. आनंदवन व्यसनमुक्ती व पुनर्वसन केंद्राचे अध्यक्ष डॉ. अजय दुधाणे, मनोविकारतज्ज्ञ डॉ. आमोद बोरकर, मानसोपचारतज्ज्ञ कल्याणी घोडके, पत्रकार नीता बरेलीकर, फाउंडेशनच्या विश्‍वस्त डॉ. तेजविद्या आदी परिसंवादात सहभागी झाले होते. 

‘‘माहिती तंत्रज्ञान क्षेत्रातील क्रांतीमुळे जीवन सुसह्य झाले आहे. परंतु तंत्रज्ञानाचा योग्य वापर झाला नाही, तर त्याचा विपरीत परिणाम होतो. इंटरनेटच्या बाबतीत असेच झाले आहे. सोशल मीडियावरील प्रमाणाबाहेर वापर चिंता निर्माण करणारा आहे. त्यामुळे रोजच्या कामात अडथळे निर्माण होऊन जीवनाची घडी बिघडू शकते,’’ असे डॉ. तेजविद्या यांनी सांगितले. मुले पालकांचे अनुकरण करीत असतात. त्यामुळे इंटरनेटचा अतिवापर टाळण्यासाठी पालकांचे समुपदेशनही तितकेच महत्त्वाचे असल्याचे डॉ. दुधाणे यांनी नमूद केले. प्रसाद सावंत यांनी सूत्रसंचालन केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com