Pune Sizzles at 42°C: Rising Temperatures Cause Discomfort
sakal
पुणे : कायम आल्हाददायक हवेसाठी ओळखले जाणारे पुणे शहर आता अक्षरशः उन्हाच्या भट्टीत होरपळून निघत आहे. कोरड्या आणि गरम वाऱ्यांमुळे पुणेकरांना सकाळी नऊपासूनच उन्हाचे चटके असह्य होऊ लागले आहेत. वाढत्या उष्णतेने पुणेकरांच्या अंगाची लाहीलाही होत असून, दुपारच्या वेळी रस्त्यांवरही शुकशुकाट पाहायला मिळत आहे. पुढील दोन दिवसांत कमाल तापमानात आणखी वाढ होण्याची शक्यता भारतीय हवामानशास्त्र विभागाने वर्तविली आहे.