पुणे - गेल्या तीन-चार दिवसांपासून शहरात सुरू असलेल्या पावसाच्या हलक्या सरींनी शुक्रवारी (ता. ३) चांगलाच जोर धरला. सकाळपासूनच पावसाने शहराला अक्षरशः झोडपून काढले. रात्री उशीरापर्यंत पावसाचा जोर कायम होता..अनेक प्रमुख रस्त्यांवर पाणी साचल्यामुळे वाहतुकीचा मोठा खोळंबा झाला. पुढील तीन ते चार दिवस शहरात पावसाचा जोर कायम राहणार असल्याची शक्यता भारतीय हवामानशास्त्र विभागाने वर्तविली आहे, तर जिल्ह्याच्या घाटमाथ्यावर अतिवृष्टीची शक्यता असल्याने ‘रेड अलर्ट’ देण्यात आला आहे..हवामानशास्त्र विभागाने दिलेल्या माहितीनुसार, वायव्य बंगालच्या उपसागरातील कमी दाबाचे क्षेत्र आता अधिक सक्रिय होत आहे. याचा परिणाम संपूर्ण राज्यासह पुणे जिल्ह्यावरही स्पष्टपणे जाणवणार आहे. त्यामुळे पुणे शहरात हलका ते मध्यम स्वरूपाचा पाऊस कायम राहील. दुसरीकडे, जिल्ह्याच्या घाटमाथ्यावर पावसाचा जोर अधिक वाढण्याची शक्यता असून, काही ठिकाणी जोरदार ते अतिजोरदार, तर तुरळक ठिकाणी अतिवृष्टी होण्याची शक्यता आहे..शहरात शुक्रवारी (ता. ३) कमाल तापमान २७ अंश सेल्सिअस, तर किमान तापमान २२.५ अंश सेल्सिअस इतके नोंदविण्यात आले. सकाळपासूनच पावसाच्या हलक्या सरी कोसळत होत्या, मात्र दुपारनंतर पावसाचा जोर लक्षणीय वाढला. शिवाजीनगर परिसरात सायंकाळी पाच वाजेपर्यंत साधारण १२ मिलिमीटर पावसाची नोंद झाली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
