खडकवासला परिसरात तुफान पाऊस; 24 तासांत वाढला पाणीसाठा

पुणे : शहराला पाणीपुरवठा करणाऱ्या खडकवासला प्रकल्पाच्या पाणलोट क्षेत्रात दमदार पाऊस झाला असून, गेल्या 24 तासांत पाणीसाठ्यात 2.11 अब्ज घनफूट (टीएमसी) ने वाढ झाली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पुणे शहराला टेमघर, वरसगाव, पानशेत आणि खडकवासला या धरणातून पाणीपुरवठा केला जातो. जुलै महिन्यात पावसाने ओढ दिल्यामुळे या धरणांतील पाणीसाठ्यात पुरेसा साठा झाला नाही. गतवर्षीच्या तुलनेत पाणीसाठा अत्यल्प आहे. परंतु गेल्या 24 तासांत चारही धरणांच्या पाणलोट क्षेत्रात पावसाने दमदार हजेरी लावली. त्यामुळे खडकवासला प्रकल्पातील या धरणांमध्ये पाणीसाठ्यात समाधानकारक वाढ झाली आहे. खडकवासला प्रकल्पात आज बुधवारी सकाळपर्यंत 12.07 अब्ज घनफूट (टीएमसी) पाणीसाठा झाला आहे. काल सकाळी आठ वाजेपर्यंत या धरणात प्रकल्पांमध्ये 9.96 टीएमसी पाणीसाठा होता.

 पुणेकरांनो, उद्या जरा जपून; हवामान खात्यानं दिला 'ऑरेंज अलर्ट'

धरणातील पाणीसाठा (कंसात मागील 24 तासांत झालेला पाऊस मिलिमीटरमध्ये) : 
टेमघर 0.93 (170)
वरसगाव 5.05 (165)
पानशेत 5.09 (177)
खडकवासला 1.00 (68)

पुणे महापालिकेने पाणी कपातीबाबत घेतला महत्त्वाचा निर्णय!

गतवर्षीच्या तुलनेत निम्म्यापेक्षा कमी साठा
गतवर्षी या प्रकल्पात 5 ऑगस्टअखेर 28.96 टीएमसी (99.32 टक्के) पाणीसाठा होता. परंतु यावर्षी 12.07 टीएमसी (41.40 टक्के) पाणीसाठा उपलब्‍ध आहे.